കാലടി: ശ്രീശങ്കരാചാര്യ സംസ്കൃത സര്‍വകലാശാലയ്‌ക്കായി സര്‍ക്കര്‍ പൊന്നുംവിലയ്‌ക്ക് ഏറ്റെടുത്ത ഭൂമി മറ്റാവശ്യങ്ങള്‍ക്കായി വിട്ടുനല്‍കുന്നതിനെതിരെ പ്രതിഷേധം വ്യാപകമാകുന്നു.
സര്‍വകലാശാല ഭൂമി മറ്റാവശ്യങ്ങള്‍ക്കായി വിട്ടുനല്‍കുന്നത് ചട്ടങ്ങള്‍ക്ക് വിരുദ്ധവുമാണ്. ഈ സാഹചര്യത്തിലാണ് വിഷയത്തില്‍ ഗവര്‍ണര്‍ ഇടപെടുന്നത്. ഏകദേശം നൂറ് കോടി വില
മതിക്കുന്ന ആറ് ഏക്കര്‍ ഭൂമിയാണ് സര്‍വകലാശാല സിന്‍ഡിക്കേറ്റ് കേരള ക്രിക്കറ്റ് അസോസിയേഷന് അന്താരാഷ്‌ട്ര ക്രിക്കറ്റ് സ്റ്റേഡിയം നിര്‍മിക്കുന്നതിനായി നല്‍കുന്ന
തിന് തീരുമാനിച്ചത്. കെസിഎ ഭാരവാഹി ബിനീഷ് കോടിയേരിയും സിപിഎം നേതാവായ സിന്‍ഡിക്കേറ്റ് അംഗവും ചേര്‍ന്നുള്ള ഗൂഢാലോചനയുടെ ഫലമായാണ് ഈ തീരുമാനമെന്നാണ് സൂചന.
ആക്ടും സ്റ്റാറ്റിയൂട്ടുമനുസരിച്ച് സര്‍വകലാശാല സിന്‍ഡിക്കേറ്റിന് ഇത്തരത്തില്‍ തീരു
മാനമെടുക്കുവാന്‍ കഴിയില്ലെന്നും ചൂണ്ടിക്കാട്ടി സേവ് യൂണിവേഴ്‌സിറ്റി ഫോറം ഗവര്‍
ണര്‍ക്ക് പരാതി നല്‍കിയിരുന്നു. ഗവര്‍ണര്‍ വൈസ് ചാന്‍സലറുടെ ചുമതല നല്‍കിയിട്ടുള്ള കാലിക്കറ്റ് സര്‍വകലാശാലയിലെ സംസ്‌കൃതം വിഭാഗത്തിലെ ഡോ. കെ.കെ. ഗീതാകുമാരിയാണ് സിന്‍ഡിക്കേറ്റില്‍ അജണ്ടയായി ഈ വിഷയം അനുവദിച്ചത്. ഗവര്‍ണറുടെ നോമിനികളായ നാല് സിന്‍ഡിക്കേറ്റ് അംഗങ്ങള്‍ ഈ തീരുമാനത്തെ എതിര്‍ത്തുവെങ്കിലും വൈസ് ചാന്‍സലര്‍ ഭൂമി കുംഭകോണത്തിന് അനുകൂലമായി നിലപാടെടുക്കുകയായിരുന്നു. ഇതിനിടെ ഇക്കാര്യത്തില്‍ തീരുമാനമായില്ലെന്ന് രജിസ്ട്രാര്‍ പറയുന്നതിലും ദുരൂഹതയുണ്ട്.
കാലിക്കറ്റ് സര്‍വകലാശാല വൈസ് ചാന്‍സലര്‍ പദവിയിലേയ്‌ക്ക് എത്തുന്നതിന് സിപിഎമ്മിനെ പ്രീതിപ്പെടുത്തുന്ന നയമാണ് പ്രൊഫ. ഗീതാകുമാരി നടത്തുന്നതെന്ന ആക്ഷേപമുണ്ട്. പ്രൊഫ. ഗീതാകുമാരി ചുമതലയേറ്റ് രണ്ട് വര്‍ഷമാകാറായിട്ടും മുന്‍പ് സിപിഎം വൈസ് ചാന്‍സലര്‍ നിയമിച്ച പേഴ്‌സണല്‍ സ്റ്റാഫ് തന്നെയാണ് ഇപ്പോഴും കാര്യങ്ങള്‍ നിയന്ത്രിക്കുന്നത്.
അതിനിടെ ശീശങ്കരാചാര്യ സംസ്കൃത സര്‍വകലാശാലയില്‍ കായിക പഠനത്തിന്
മുന്‍തൂക്കം നല്‍കാനെന്ന പേരില്‍ ക്രിക്കറ്റ് സ്റ്റേഡിയനിര്‍മാണത്തിന് സ്വകാര്യ ഏജന്‍സിയുമായി ഒത്തുചേര്‍ന്ന് സിന്‍ഡിക്കേറ്റ് അംഗങ്ങളില്‍ ചിലര്‍ കച്ചവട താല്പര്യങ്ങള്‍ക്ക് കീഴടങ്ങിയിരിക്കുകയാണെന്ന് സേവ് യൂണിവേഴ്‌സിറ്റി ക്യാമ്പയിന്‍ കമ്മിറ്റി ആരോപിച്ചു. കായിക പഠനം സംസ്കൃത സര്‍വകലാശാലയുടെ ഉദ്ദേശ്യലക്ഷ്യങ്ങളില്‍ പെടുന്നില്ല.
ഒരു സ്വകാര്യ സ്ഥാപനമായ കേരള ക്രിക്കറ്റ് അസോസിയേഷന് സര്‍വകലാശാലയുമായി ചേര്‍ന്ന് സ്റ്റേഡിയം നിര്‍മിക്കാമെന്ന അസോസിയേഷന് ഭാരവാഹികളുടെ ലക്ഷ്യം ഒരിക്കലും സുതാര്യമാവില്ല. പ്രോജക്ടിനെകുറിച്ച് കഴിഞ്ഞ ആഗസ്തില്‍ കെസിഎ ഭാരവാഹികളുമായി വിസി ഡോ. കെ.കെ. ഗീതാകുമാരിയും സിന്‍ഡിക്കേറ്റ് അംഗവും സിപിഎം നേതാവുമായ
കെ.എസ്. അരുണ്‍ കുമാറും നടത്തിയ ഉന്നതല യോഗത്തിന്റെ ചിത്രം ക്രിക്കറ്റ് അസോസിയേഷന് തന്നെ പുറത്തുവിട്ടതില്‍ നിന്നും പദ്ധതി നേരത്തെ ആസൂത്രണം ചെയ്തതാണെന്ന് വ്യക്തമാണ്.
സ്റ്റേഡിയം കരാര്‍ ഒപ്പുവയ്‌ക്കാനുള്ള മേല്‍ നടപടികള്‍ റദ്ദാക്കണമെന്നും, സര്‍വകലാശാലയുടെ ഉദ്ദേശ്യലക്ഷ്യങ്ങളില്‍ നിന്ന് വ്യതിചലിച്ച വിസിയേയും സിന്‍ഡിക്കേറ്റ് അംഗങ്ങളെയും ചാന്‍സലര്‍ കൂടിയായ ഗവര്‍ണര്‍ അയോഗ്യരായി പ്രഖ്യാപിക്കണമെന്നും സേവ് യൂണിവേഴ്‌സിറ്റി ക്യാമ്പയിന്‍ കമ്മിറ്റി ആവശ്യപ്പെട്ടു.
