തിരുവനന്തപുരം:മുഖ്യമന്ത്രി പിണറായി വിജയനും ശബരിമല സ്വര്ണക്കൊളള കേസ് പ്രതി ഉണ്ണികൃഷ്ണന് പോറ്റിയുമായി സംസാരിക്കുന്ന വീഡിയോ എഐ നിര്മിതമാണെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്.സോണിയാ ഗാന്ധിയും ഉണ്ണികൃഷ്ണന് പോറ്റിയുമായുള്ള കൂടിക്കാഴ്ചയില് അടൂര് പ്രകാശ് കൃത്യമായ മറുപടി പറയണം.
അടൂര് പ്രകാശ് മറുപടി പറയാത്തതിനാല് സംഭവങ്ങളില് കൂടുതല് ദുരൂഹതയേറുന്നുവെന്നും എം വി ഗോവിന്ദന് പറഞ്ഞു.ഉണ്ണികൃഷ്ണന് പോറ്റിക്ക് സോണിയാ ഗാന്ധിയുമായി കൂടിക്കാഴ്ച നടത്താന് ആരാണ് അപ്പോയിന്റ്മെന്റ് സംഘടിപ്പിച്ച് നല്കിയത് എന്നതില് യുഡിഎഫ് കണ്വീനര്ക്ക് മറുപടി ഇല്ല. അദ്ദേഹം എന്തോ മറയ്ക്കാന് ശ്രമിക്കുന്നു.സ്വര്ണകൊള്ളയിലെ രണ്ടു പ്രതികള് എങ്ങനെയാണ് സോണിയ ഗാന്ധിയെ കണ്ടത്? സന്ദര്ശനം എന്തിനായിരുന്നു ? ഈ ചോദ്യങ്ങള്ക്കൊക്കെ മറുപടി പറയേണ്ട ബാധ്യത യുഡിഎഫ് കണ്വീനര്ക്ക് ഉണ്ടെന്നും എം വി ഗോവിന്ദന് മാധ്യമങ്ങളോട് പ്രതികരിച്ചു.
സ്വര്ണ പാളിയില് നടക്കുന്ന അന്വേഷണത്തോടൊപ്പം സോണിയ ഗാന്ധിയുമായുള്ള കൂടിക്കാഴ്ചയും അന്വേഷണ പരിധിയില് വരണമെന്നും അദ്ദേഹം പറഞ്ഞു.
