ഭാഗ്യലക്ഷ്മി ഇനി പുറത്തിറങ്ങുമ്പോൾ തലയിൽ ഒരു മുണ്ട് ഇടാൻ മറക്കരുതെന്ന് കലാമണ്ഡലം സത്യഭാമ

കൊച്ചി ; നടിയും ഡബ്ബിങ് ആർടിസ്റ്റുമായ ഭാഗ്യലക്ഷ്മിയെ രൂക്ഷമായി വിമർശിച്ച് കലാമണ്ഡലം സത്യഭാമ . ദിലീപ് വിഷയത്തിലാണ് സത്യഭാമയുടെ പ്രതികരണം.

‘‘ഭാഗ്യലക്ഷ്മി ഇനി പുറത്തിറങ്ങുമ്പോൾ തലയിൽ ഒരു മുണ്ട് ഇടാൻ മറക്കണ്ട. ഇല്ലേൽ ഇന്നത്തെ കുട്ടികൾ യഥാർഥ ഡബ്ബിങ് പഠിപ്പിക്കും“ – എന്നാണ് സത്യഭാമയുടെ കുറിപ്പ്.

അതേസമയം പിആർ വർക്കും ഫാൻസും ഉണ്ടായിട്ടും ദിലീപിന്റെ സിനിമകളെ രക്ഷപ്പെടുത്താൻ സാധിച്ചില്ലല്ലോ എന്ന വിമർശന ചോദ്യവുമായി ഭാഗ്യലക്ഷ്മി രംഗത്തെത്തി.ഈ 8 വർഷത്തിൽ അവളുടെ ചില സിനിമകളും ഇറങ്ങിയിരുന്നു. യാതൊരു പിആർ വർക്കും ഇല്ലാതെ ഫാൻസിന്റെ ആദരവില്ലാതെ.. അവർ എല്ലാവരും കൂടി ശ്രമിച്ചിച്ചിട്ടും, എത്ര പണമിറക്കിയിട്ടും ഏട്ടന്റെ പടങ്ങളെ രക്ഷപ്പെടുത്താൻ പറ്റിയില്ലല്ലോ? എന്നും ഭാഗ്യലക്ഷ്മി തന്റെ പോസ്റ്റിൽ പറയുന്നു.