കൊല്‍ക്കത്ത: സാള്‍ട്ട് ലേക്ക് സ്റ്റേഡിയത്തില്‍ നടന്ന പരിപാടിക്കിടെ ഉണ്ടായ കൊടുകാര്യസ്ഥതയും തുടര്‍ന്നുണ്ടായ അക്രമവും ഭരണകക്ഷിയായ തൃണമൂല്‍ കോണ്‍ഗ്രസിന് വലിയ നാണക്കേടായതോടെ ലയണല്‍ മെസ്സിയോടും ആരാധകരോടും പശ്ചിമ ബംഗാള്‍ മുഖ്യമന്ത്രി മമത ബാനര്‍ജി പരസ്യമായി മാപ്പപേക്ഷിച്ചു. സംഭവത്തില്‍ ഞെട്ടിപ്പോയെന്നും അന്വേഷിക്കാന്‍ സമിതിയെ നിയോഗിച്ചതായും മമത പറഞ്ഞു.
സ്റ്റേഡിയത്തിലെ കെടുകാര്യസ്ഥതയില്‍ രോഷാകുലരായ ആരാധകര്‍ സുരക്ഷാ പ്രോട്ടോക്കോളുകള്‍ ലംഘിച്ച് രാവിലെ സ്റ്റേഡിയം നശിപ്പിച്ചിരുന്നു. അരമണിക്കൂറോളം നീണ്ടുനിന്ന മത്സരത്തിനിടെ മെസ്സിയെ ഒരു നോക്ക് കാണാന്‍ പോലും ആരാധകര്‍ക്ക് കഴിഞ്ഞില്ല. മുന്‍ ജഡ്ജിയുടെ നേതൃത്വത്തിലുള്ള ഉന്നത ഉദ്യോഗസ്ഥര്‍ ഉള്‍പ്പെടുന്ന ഒരു സമിതി സംഭവത്തെക്കുറിച്ച് വിശദമായ അന്വേഷണം നടത്തുമെന്ന് മുഖ്യമന്ത്രി പറഞ്ഞു.
