ന്യൂഡൽഹി: ഇന്ത്യൻ പൈലറ്റ് ക്യാപ്റ്റൻ സ്മിത് മച്ചാറിന്റെ ധീരതയെ ലോകം മുഴുവൻ പ്രകീർത്തിക്കുമ്പോൾ, സോഷ്യൽ മീഡിയയിൽ സംഭവങ്ങളോട് പെട്ടെന്ന് പ്രതികരിക്കാറുള്ള കോൺഗ്രസ് നേതാവ് രാഹുൽ ഗാന്ധിയുടെ മൗനം ചോദ്യം ചെയ്യപ്പെടുന്നു. ക്യാപ്റ്റൻ മച്ചാറിന്റെ ധീരതയെ അഭിനന്ദിക്കേണ്ടത് അത്യാവശ്യമാണെന്ന് രാഹുൽ കരുതിയില്ലെങ്കിലും, കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗെ മച്ചാറിന് ആശംസ അറിയിച്ച് രംഗത്തെത്തി.
ഫ്ലൈദുബായ് വിമാനം തട്ടിയെടുക്കാൻ ശ്രമിച്ച ഒമാനി ‘ചാവേർ ഭീകരന്റെ’ നീക്കത്തെ ക്യാപ്റ്റൻ സ്മിത് മച്ചാർ ധീരമായാണ് പരാജയപ്പെടുത്തിയത് . സംഭവത്തിനിടെ അദ്ദേഹത്തിന് ഗുരുതരമായി പരിക്കേൽക്കുകയും ലോകം മുഴുവൻ അദ്ദേഹത്തിന്റെ തിരിച്ചുവരവിനായി പ്രാർത്ഥിക്കുകയും ചെയ്യുന്നു . 174 ഇസ്രായേലി യാത്രക്കാരടക്കം 180 പേരുടെ ജീവൻ രക്ഷിക്കാൻ സ്വന്തം ജീവൻ പണയം വെച്ച അദ്ദേഹത്തിന്റെ പ്രവൃത്തിയെ പ്രശംസിക്കാൻ വാക്കുകൾ മതിയാകില്ല. എന്നിട്ടും മച്ചാറിനെക്കുറിച്ച് ഒരക്ഷരം പോലും പറയാൻ രാഹുൽ ഗാന്ധി തയ്യാറായില്ല.
ഇന്ത്യൻ പൈലറ്റിന്റെ വീരോചിതമായ പ്രവൃത്തിയോടുള്ള രാഹുൽ ഗാന്ധിയുടെ നിസ്സംഗതയെക്കുറിച്ച് സോഷ്യൽ മീഡിയയിലും ചോദ്യങ്ങൾ ഉയരുന്നുണ്ട്. എല്ലാ കാര്യത്തിലും അഭിപ്രായം പറയുന്ന രാഹുൽ ന്യൂനപക്ഷങ്ങളെ വെറുപ്പിക്കാതിരിക്കാനാണ് ഇത്തരത്തിൽ മൗനം പാലിക്കുന്നതെന്നും സംസാരമുണ്ട്.
