ന്യൂദല്ഹി: എന്തുകൊണ്ട് തെരഞ്ഞെടുപ്പുകളില് കോണ്ഗ്രസ് തോല്ക്കുകയും ബിജെപി ജയിക്കുകയും ചെയ്യുന്നത് എന്നത് സംബന്ധിച്ച് കോണ്ഗ്രസിനും രാഹുല് ഗാന്ധിയ്ക്കും നേരെ കൈ ചൂണ്ടി ആഭ്യന്തരമന്ത്രി അമിത് ഷാ ലോക് സഭയില് നടത്തിയ വാദമുഖങ്ങള് വൈറലാവുകയാണ്.
അമിത് ഷായുടെ വാക്കുകള് കേള്ക്കുക:”നിങ്ങള് സര്ജിക്കൽ സ്ട്രൈക്കിനെ എതിർത്തു, അതുകൊണ്ടാണ് ഞങ്ങള് ജയിച്ചത്. നിങ്ങള് എയർ സ്ട്രൈക്കിനെ എതിർത്തു, അതുകൊണ്ടാണ് ഞങ്ങള് ജയിച്ചത്.
നിങ്ങള് ആര്ട്ടിക്കിള് 370 റദ്ദാക്കിയതിനെ എതിർത്തു, അതുകൊണ്ടാണ് ഞങ്ങള് ജയിച്ചത്. നിങ്ങള് രാമക്ഷേത്രം നിര്മ്മിക്കുന്നതിനെ എതിർത്തു, അതുകൊണ്ടാണ് ഞങ്ങള് ജയിച്ചത്.
നിങ്ങള് നുഴഞ്ഞുകയറ്റക്കാരെ നീക്കം ചെയ്യുന്നതിനെ എതിർത്തു, അതുകൊണ്ടാണ് ഞങ്ങള് ജയിച്ചത്.
നിങ്ങള് സിഎഎ നടപ്പിലാക്കുന്നതിനെ എതിർത്തു, അതുകൊണ്ടാണ് ഞങ്ങള് ജയിച്ചത്.
നിങ്ങള് മുത്തലാഖ് നിർത്തലാക്കിയതിനെ എതിർത്തു, അതുകൊണ്ടാണ് ഞങ്ങള് ജയിച്ചത്.
ഇപ്പോള് നിങ്ങള് ‘ഒരു രാജ്യം, ഒരു തിരഞ്ഞെടുപ്പ്’ എന്ന ആശയത്തെ എതിർക്കുന്നു, അതുകൊണ്ട് ഞങ്ങള് വീണ്ടും ജയിക്കും. ഈ രാജ്യത്തെ 60 കോടി ദരിദ്രർക്ക് പ്രധാനമന്ത്രി നരേന്ദ്ര മോദിജി വീട് എത്തിച്ചു, ഗ്യാസ് എത്തിച്ചു, വെള്ളം എത്തിച്ചു, ശൗചാലയങ്ങൾ എത്തിച്ചു. 5 കിലോ ഭക്ഷ്യധാന്യം സൗജന്യമായി നല്കി, 5 ലക്ഷം രൂപ വരെയുള്ള ചികിത്സ സൗജന്യമാക്കി.
എന്നിട്ടും നിങ്ങൾ കരുതുന്നത് ഞങ്ങള് വോട്ട് മോഷ്ടിച്ചാണ് ജയിക്കുന്നതെന്നാണോ?…
ഈ രാജ്യത്തെ അടിസ്ഥാന സൗകര്യങ്ങളുടെ വികസനം നോക്കൂ. നിങ്ങളുടെ 40 വര്ഷവും ഞങ്ങളുടെ 11 വര്ഷവും താരതമ്യം ചെയ്തു നോക്കൂ. അടിസ്ഥാന സൗകര്യങ്ങള് മൂന്നിരട്ടിയായി വര്ദ്ധിപ്പിക്കുകയാണ് പ്രധാനമന്ത്രി നരേന്ദ്ര മോദിജി ചെയ്തത്.
അതുകൊണ്ടാണ് ജനങ്ങൾ ഞങ്ങളെ വിജയിപ്പിക്കുന്നത്”.
അമിത് ഷാ ഒറ്റശ്വാസത്തില് പറഞ്ഞുതീര്ത്ത വാചകം സമൂഹമാധ്യമത്തില് വൈറലാണ്.
