പത്തനംതിട്ട :സംസ്ഥാന പൊലീസ് മേധാവി റവാഡ ചന്ദ്രശേഖര് ശബരിമല ദര്ശനം നടത്തി. ബന്ധുക്കള്ക്കൊപ്പമാണ് ഡിജിപി എത്തിയത്.
എല്ലാവര്ക്കും സുഖ ദര്ശനം ഉറപ്പു വരുത്തുന്നുണ്ട്.മണ്ഡല പൂജാ ദിവസത്തെ സ്പോട് ബുക്കിംഗ് വര്ധിപ്പിക്കുന്നത് കോടതിയും ദേവസ്വവുമായി ആലോചിച്ച ശേഷം എന്നും അദ്ദേഹം അറിയിച്ചു.
നടിയെ ആക്രമിച്ച കേസില് വിധി വന്ന് പഠിച്ച ശേഷം പ്രതികരിക്കാമെന്ന് ഡി ജി പി പറഞ്ഞു.രാഹുല് മാങ്കൂട്ടത്തില് കേസില് 15 വരെ അറസ്റ്റ് പാടില്ലെന്ന് ഹൈക്കോടതി നിര്ദ്ദേശമുണ്ട്.
അതേസമയം ശബരിമല മണ്ഡല പൂജയ്ക്കായി ഡിസംബര് 26, 27 തീയതികളിലേക്കുള്ള വെര്ച്വല് ക്യൂ ബുക്കിംഗ് ഇന്നലെ വൈകിട്ട് 5 മണി മുതല് ആരംഭിച്ചു. sabarimalaonline.org എന്ന വെബ്സൈറ്റിലൂടെയാണ് ബുക്ക് ചെയ്യേണ്ടത്.
ഡിസംബര് 26ന് 30,000 പേര്ക്കും ഡിസംബര് 27ന് 35,000 പേര്ക്കും വെര്ച്വല് ക്യൂ വഴി ദര്ശനം നടത്താനാകും.സ്പോട്ട് ബുക്കിംഗ് വഴി അയ്യായിരം ഭക്തരെ വീതം ദര്ശനത്തിന് ഈ ദിവസങ്ങളില് അനുവദിക്കും.
