ഹൈക്കോടതിയില്‍ വിവിധ തസ്തികകളിലേക്ക് അപേക്ഷിക്കാം

നിയമനം കരാര്‍ അടിസ്ഥാനത്തില്‍ ടെക്‌നിക്കല്‍ അസിസ്റ്റന്റ്, ഡാറ്റാ എന്‍ട്രി ഓപ്പറേറ്റര്‍, ട്രാന്‍സ്‌ലേറ്റര്‍, സീനിയര്‍ കമ്പ്യൂട്ടര്‍ പ്രോഗ്രാമര്‍ തസ്തികകളില്‍

ഡിസംബര്‍ 16 വരെ ഓണ്‍ലൈനില്‍ അപേക്ഷ സ്വീകരിക്കും

വിജ്ഞാപനം https://hckrecruitment.keralacourts.in- ല്‍

വിവിധ തസ്തികകളില്‍ കരാര്‍ അടിസ്ഥാനത്തിലുള്ള നിയമനത്തിന് കേരള ഹൈക്കോടതി അപേക്ഷ ക്ഷണിച്ചു.

ടെക്‌നിക്കല്‍ അസിസ്റ്റന്റ്, ഒഴിവുകള്‍ 16, പ്രതിമാസ ശമ്പളം 30,000 രൂപ. യോഗ്യത- റഗുലര്‍ ത്രിവത്‌സര അംഗീകൃത ഫസ്റ്റ്ക്ലാസ് എന്‍ജിനീയറിങ് ഡിപ്ലോമ (ഇലക്‌ട്രോണിക്‌സ്/ഐടി/കമ്പ്യൂട്ടര്‍ സയന്‍സ്/കമ്പ്യൂട്ടര്‍ ഹാര്‍ഡ്‌വെയര്‍), നിര്‍ദിഷ്ട മേഖലയില്‍ ഒരു വര്‍ഷത്തെ പ്രവൃത്തിപരിചയം. 2.1.1989 നും 1.1.2007 നും മധ്യേ ജനിച്ചവരാകണം. അപേക്ഷാ ഫീസ് 600 രൂപ.

ഡാറ്റാ എന്‍ട്രി ഓപ്പറേറ്റര്‍, ഒഴിവുകള്‍ 12, പ്രതിമാസ ശമ്പളം 22,240 രൂപ. യോഗ്യത: ഫസ്റ്റ് ക്ലാസ് ത്രിവത്‌സര എന്‍ജിനീയറിങ് ഡിപ്ലോമ (കമ്പ്യൂട്ടര്‍ സയന്‍സ്/കമ്പ്യൂട്ടര്‍ ഹാര്‍ഡ്‌വെയര്‍/ഇലക്‌ട്രോണിക്‌സ്) അല്ലെങ്കില്‍ ഫസ്റ്റ് ക്ലാസ് ബിരുദവും കമ്പ്യൂട്ടര്‍ വേര്‍ഡ് പ്രോസസിങ്/ഡാറ്റാ എന്‍ട്രി ഓപ്പറേഷനില്‍ അംഗീകൃത സര്‍ട്ടിഫിക്കറ്റും ബന്ധപ്പെട്ട മേഖലയില്‍ ഒരുവര്‍ഷത്തെ പ്രവൃത്തിപരിചയം. 2.1.1989 നും 1.1.2007 നും മധ്യേ ജനിച്ചവരാകണം. അപേക്ഷാ ഫീസ് 600 രൂപ.

ട്രാന്‍സ്‌ലേറ്റര്‍, ഒഴിവുകള്‍ 20. പ്രതിമാസ ശമ്പളം 31,020 രൂപ. യോഗ്യത: ഏതെങ്കിലും വിഷയത്തില്‍ ബിരുദം, കമ്പ്യൂട്ടര്‍ ഓപ്പറേഷനില്‍ പരിജ്ഞാനം അഭികാമ്യം. 2.1.1989 നും 1.1.2007 നും മധ്യേ ജനിച്ചവരാകണം. അപേക്ഷാ ഫീസ് 500 രൂപ.
സീനിയര്‍ കമ്പ്യൂട്ടര്‍ പ്രോഗ്രാമര്‍, ഒഴിവ് 1, പ്രതിമാസ ശമ്പളം 60,000 രൂപ. യോഗ്യത: ഫുള്‍ടൈം റഗുലര്‍ എംസിഎ/ബിഇ/ബിടെക് (കമ്പ്യൂട്ടര്‍ സയന്‍സ്/ഐടി/ഇലക്‌ട്രോണിക്‌സ്), ബന്ധപ്പെട്ട മേഖലയില്‍ 3 വര്‍ഷത്തെ പ്രവൃത്തിപരിചയം. 2.1.1984 നും 1.1.2007 നും മധ്യേ ജനിച്ചവരാകണം. അപേക്ഷാഫീസ് 500 രൂപ.

തസ്തികകളും നിയമന കാലയളവും യോഗ്യതാമാനദണ്ഡങ്ങളും അപേക്ഷിക്കേണ്ട രീതിയും സെലക്ഷന്‍ നടപടികളുമെല്ലാം അങ്ങിയ വിജ്ഞാപനം https://hckrecruitment.keralacourts.in ല്‍ ലഭ്യമാണ്. വിജ്ഞാപനത്തിലെ നിര്‍ദേശങ്ങള്‍ പാലിച്ച് ഡിസംബര്‍ 16 വരെ ഓണ്‍ലൈനില്‍ അപേക്ഷ സമര്‍പ്പിക്കാം.