ഗുരുവായൂര്: ചരിത്രപ്രസിദ്ധമായ ഗുരുവായൂര് ഏകാദശി ഇന്ന്. ഭഗവദ് ദര്ശന സുകൃതം നേടാന് ഏകാദശി വ്രതം അനുഷ്ഠിച്ച് പതിനായിരങ്ങള് ഇന്ന് ഗുരുവായൂരിലെത്തും. ദേവസ്വത്തിന്റെ വകയായി ഇന്ന് ഉദയാസ്തമന പൂജനടക്കും. രാവിലെ ഉഷപൂജയ്ക്കുശേഷം കാഴ്ചശീവേലി.
കൊമ്പന് ഇന്ദ്രസെന് ഭഗവാന്റെ തങ്കതിടമ്പേറ്റിയുള്ള സ്വര്ണക്കോലം എഴുന്നെള്ളിപ്പിന് ശ്രീധരനും ചെന്താമരാക്ഷനും പറ്റാനകളാകും.
പാര്ത്ഥസാരഥി ക്ഷേത്രത്തിലേക്കുള്ള എഴുന്നെള്ളിപ്പില് വിഷ്ണു, വിനായകന്, രവീകൃഷ്ണന് എന്നിവര് അണിനിരക്കും. ഇന്നലെ പുലര്ച്ചെ 3ന് നിര്മാല്യദര്ശനത്തിനായി തുറന്ന ക്ഷേത്രനട, ചൊവ്വാഴ്ച്ച രാവിലെ 9ന് ദ്വാദശിപ്പണ സമര്പ്പണത്തോടെ അടയ്ക്കും. വൈകുന്നേരം 4.30ന് ദര്ശനത്തിനായി വീണ്ടും തുറക്കും.
