തിരുവനന്തപുരം : രാഹുല്‍ മാങ്കൂട്ടം എം എല്‍ എയ്‌ക്കെതിരെ പരാതി നല്‍കിയ അതിജീവിതയെ അപമാനിച്ചെന്ന കേസില്‍ രാഹുല്‍ ഈശ്വറിനെ സൈബര്‍ പൊലീസ് കസ്റ്റഡിയില്‍ എടുത്തു. പൗഡിക്കോണത്തെ രാഹുല്‍ ഈശ്വറിന്റെ വീട്ടിലെത്തിയ അന്വേഷണ സംഘം ഒപ്പം വരാന്‍ ആവശ്യപ്പെടുകയായിരുന്നു.
രാഹുല്‍ സ്വന്തം വാഹനത്തില്‍ വരാമെന്ന് അറിയിച്ചു. തുടര്‍ന്ന് ഭാര്യയ് ക്കൊപ്പം കാറില്‍ രാഹുല്‍ ഈശ്വര്‍ പൊലീസ് അകമ്പടിയോടെ നന്ദാവനത്തിലെ എ ആര്‍ ക്യാമ്പിലെത്തി.
അതിജീവിതയെ തിരിച്ചറിയാന്‍ കഴിയും വിധം വെളിപ്പെടുത്തല്‍ നടത്തിയെന്നും അപമാനിച്ചുവെന്നും രാഹുല്‍ ഇശ്വറടക്കം നാല് പേര്‍ക്കെതിരെ അതിജീവിത പരാതി നല്‍കിയിരുന്നു. സന്ദീപ് വാര്യര്‍ക്കെതിരെയും യുവതി പരാതി നല്‍കിയിട്ടുണ്ട്. രണ്ട് സ്ത്രീകള്‍ക്കെതിരെയും യുവതി പരാതി നല്‍കിയിട്ടുണ്ട്.
മുഖ്യമന്ത്രിക്ക് രാഹുല്‍ മാങ്കൂട്ടം എം എല്‍ എയ്‌ക്കെതിരെ പരാതി നല്‍കിയത് മുതല്‍ അതിജീവിതയ്‌ക്കെതിരെ രൂക്ഷമായ് സൈബര്‍ ആക്രമണം ഉണ്ടായിരുന്നു.
പുരുഷന്മാരുടെ അവകാശങ്ങള്‍ക്കായി വാദിക്കുന്ന വ്യക്തിയാണ് രാഹുല്‍ ഈശ്വര്‍
