അപേക്ഷാഫീസ് 850 രൂപ; എസ്‌സി/എസ്ടി/പിഡബ്ല്യുബിഡി വിഭാഗക്കാര്‍ക്ക് 150 രൂപ
വിശദവിവരങ്ങള്‍ www.nabard.org ല്‍
കേന്ദ്രസര്‍ക്കാരിന് കീഴിലുള്ള നാഷണല്‍ ബാങ്ക് ഫോര്‍ അഗ്രികള്‍ച്ചര്‍ ആന്റ് റൂറല്‍ ഡവലപ്
മെന്റ് (നബാര്‍ഡ്) അസിസ്റ്റന്റ് മാനേജര്‍മാരെ (ഗ്രേഡ് എ-ആര്‍ഡിബിഎസ്/ലീഗല്‍/പ്രോട്ടോക്കോള്‍ ആന്റ് സെക്യൂരിറ്റി സര്‍വ്വീസ്) റിക്രൂട്ട് ചെയ്യുന്നു. (പരസ്യ നമ്പര്‍ 05/ഗ്രേഡ് എ/2025-26). വിശദവിവരങ്ങളടങ്ങിയ വിജ്ഞാപനം www.nabard.org ല്‍നിന്നും ഡൗണ്‍ലോഡ് ചെയ്യാം.
സംക്ഷിപ്ത വിവരങ്ങള്‍ ചുവടെ-
ശമ്പളനിരക്ക് 44500-89150 രൂപ. പ്രതിമാസം ഏകദേശം ഒരു ലക്ഷം രൂപ ശമ്പളം ലഭിക്കും.
തസ്തിക/ഡിസിപ്ലിന്‍: ഒഴിവുകള്‍: അസിസ്റ്റന്റ് മാനേജര്‍ (എഎം)- ആര്‍ഡിബിഎസ്- ജനറല്‍ 48, ചാര്‍ട്ടേഡ് അക്കൗണ്ടന്റ് 4, കമ്പനി സെക്രട്ടറി 2, ഫിനാന്‍സ് 5, കമ്പ്യൂട്ടര്‍/ഐടി 10, അഗ്രികള്‍ച്ചര്‍ എന്‍ജിനീയറിങ് 1, പ്ലാന്റേഷന്‍ ആന്റ് ഹോര്‍ട്ടികള്‍ച്ചര്‍ 2, ഫിഷറീസ് 2, ഫുഡ് പ്രോസസിങ് 2, ലാന്‍ഡ് ഡവലപ്‌മെന്റ് ആന്റ് സോയില്‍ സയന്‍സ് 2, സിവില്‍ എന്‍ജിനീയറിങ് 2, ഇലക്ട്രിക്കല്‍ എന്‍ജിനിയറിങ് 2, മീഡിയ സ്‌പെഷ്യലിസ്റ്റ് 1, ഇക്കണോമിക്‌സ് 2; എഎം- ലീഗല്‍ 2, പ്രോട്ടോക്കോള്‍ ആന്റ് സെക്യൂരിറ്റി 7 (ആകെ 91 ഒഴിവുകള്‍). നിശ്ചിത ഒഴിവുകള്‍ എസ്‌സി/എസ്ടി/ഒബിസി/ഇഡബ്ല്യുഎസ്/പിഡബ്ല്യുബിഡി വിഭാഗങ്ങള്‍ക്കായി സംവരണം ചെയ്തിട്ടുണ്ട്.
യോഗ്യത: ആര്‍ഡിബിഎസ് ജനറല്‍- ഏതെങ്കിലും വിഷയത്തില്‍ 60 ശതമാനം മാര്‍ക്കില്‍ കുറയാതെ ബിരുദം അല്ലെങ്കില്‍ 55% മാര്‍ക്കില്‍ കുറയാതെ പിജി/എംബിഎ/പിജിഡിഎം അല്ലെങ്കില്‍ സിഎ/സിഎസ്/സിഎംഎ അല്ലെങ്കില്‍ പിഎച്ച്ഡി.
ചാര്‍ട്ടേഡ് അക്കൗണ്ടന്റ്/കമ്പനി സെക്രട്ടറി- ഏതെങ്കിലും ഡിസിപ്ലിനില്‍ ബിരുദവും സിഎ/സിഎസ് മെമ്പര്‍ഷിപ്പും.
ഫിനാന്‍സ്- ബിബിഎ/ബിഎംഎസ് (ഫിനാന്‍സ്/ബാങ്കിങ്) 60% മാര്‍ക്കോടെ വിജയിച്ചിരിക്കണം.
കമ്പ്യൂട്ടര്‍/ഐടി- 60% മാര്‍ക്കോടെ ബന്ധപ്പെട്ട ഡിസിപ്ലിനില്‍ ബിഇ/ബിടെക്.
മറ്റ് തസ്തികകളുടെ യോഗ്യതാ മാനദണ്ഡങ്ങള്‍ വിജ്ഞാപനത്തിലുണ്ട്.
പ്രായപരിധി 21-30 വയസ്. വിശദമായ യോഗ്യതാ മാനദണ്ഡങ്ങളും സെലക്ഷന്‍ നടപടികളും വിജ്ഞാപനത്തില്‍നിന്നും മനസ്സിലാക്കി വേണം അപേക്ഷിക്കേണ്ടത്. അപേക്ഷാഫീസ് 850 രൂപ. എസ്‌സി/എസ്ടി/പിഡബ്ല്യുബിഡി വിഭാഗങ്ങള്‍ക്ക് 150 രൂപ മതി. നിര്‍ദ്ദേശാനുസരണം ഓണ്‍ലൈനില്‍ നവംബര്‍ 30 വരെ അപേക്ഷിക്കാം.
സെലക്ഷന്‍ ടെസ്റ്റിന് ഇടുക്കി, വയനാട്, പത്തനംതിട്ട, കാസര്‍ഗോഡ്, മലപ്പുറം ഒഴികെ എല്ലാ ജില്ലകളിലും സെന്ററുകളുണ്ട്.
