മുംബൈ: ബീഹാര്‍ തെരഞ്ഞെടുപ്പ് പര്യടനത്തില്‍ കോണ്‍ഗ്രസിനെ ജനങ്ങളില്‍ നിന്നും അകറ്റിയത് രാഹുല്‍ ഗാന്ധിയുടെ വോട്ട് അധികാര്‍ യാത്രയുടെ ഭാഗമായി കോണ്‍ഗ്രസ് പ്രവര്‍ത്തകര്‍ മോദിയുടെ അമ്മയെ അധിക്ഷേപിച്ച് മുദ്രാവാക്യം മുഴക്കിയ സംഭവമായിരുന്നു.ഇതിനെതിരെ മോദി ബീഹാറില്‍ നടത്തിയ കാമ്പയിന്‍ സ്ത്രീ വോട്ടര്‍മാരെ ഏറെ സ്വാധീനിച്ചിരുന്നു. കിട്ടുന്ന അവസരങ്ങള്‍ മോദിയെ അപമാനിക്കാന്‍ ശ്രമിക്കുന്ന ആളാണ് രാഹുല്‍ ഗാന്ധി. എന്നാല്‍ അന്തരിച്ച ബോളിവുഡ് താരം ധര്‍മ്മേന്ദ്ര മോദിയെക്കുറിച്ചും മോദിയുടെ അമ്മയെക്കുറിച്ചും പറഞ്ഞ വാക്കുകള്‍ വൈറല്‍ ആയി പ്രചരിക്കുന്നു. “താങ്കളെ എല്ലാവര്‍ക്കുമറിയാം. അതുപോലെ എനിക്കും അറിയാം. അതിന് ഹൃദയത്തില്‍ തട്ടി ഞാന്‍ താങ്കളെ അഭിനന്ദിക്കുന്നു. “- ഇന്ത്യയാകെ അറിയപ്പെടുന്ന നടന്‍ മോദി എന്ന പ്രധാനമന്ത്രിയെ പുകഴ്‌ത്തുമ്പോള്‍ അതിന് ഒരു സവിശേഷത വേറെത്തന്നെയുണ്ട്.
DHARMENDRA : "I salute the mother who gave birth to a son like you, PM Modi Ji" 🥹🙏🏻pic.twitter.com/wx3U248lv3 https://t.co/cgsB00vAoF
— News Algebra (@NewsAlgebraIND) November 24, 2025
താങ്കളെപ്പോലെ ഒരു മകനെ ജന്മം നല്‍കിയ ആ അമ്മയെ ഞാന്‍ സല്യൂട്ട് ചെയ്യുന്നുവെന്നും ധര്‍മ്മേന്ദ്ര ഈ വീഡിയോയില്‍ പറയുന്നതായി കേള്‍ക്കാം. ഏത് സന്ദര്‍ഭത്തിലാണ് ഈ വീഡിയോ ഷൂട്ട് ചെയ്തതെന്ന് അറിയില്ല. മോദി ഒരിയ്‌ക്കല്‍ ഫോണില്‍ വിളിച്ചതിനെക്കുറിച്ചും ധര്‍മ്മേന്ദ്ര പറയുന്നു. “താങ്കള്‍ ഫോണില്‍ വിളിച്ച് ധര്‍മ്മേന്ദ്ര, നിങ്ങള്‍ സ്ട്രോങ്ങ് ആയിരിക്കൂ എന്ന് പറഞ്ഞത് വലിയ ഊര്‍ജ്ജം പകര്‍ന്നു തന്നു.നമ്മുടെ ദേശത്തിന്റെ പ്രധാനമന്ത്രി എന്നെ ഫോണില്‍ വിളിക്കുക, സംസാരിക്കുക എന്നതെല്ലാം വലിയ കാര്യമായി തോന്നുന്നു.” -ധര്‍മ്മേന്ദ്ര പറയുന്നു.
“ചെറിയ കുഞ്ഞുങ്ങള്‍ മുതല്‍ വലിയ ആളുകള്‍ വരെയുള്ളവരുമായി താങ്കള്‍ ഹൃദയത്തില്‍ തട്ടി സംസാരിക്കുന്നത് അത്ഭുതം തന്നെയാണ്. നമ്മുടെ ദേശത്തെ നമ്പര്‍ വണ്‍ ആക്കാന്‍ താങ്കള്‍ നടത്തുന്ന ശ്രമം അപാരമാണ്. ഞാന്‍ താങ്കള്‍ക്ക് പ്രമാണം അര്‍പ്പിക്കുന്നു. താങ്കളുടെ ആയുസ്സ് സുദീര്‍ഘമാവട്ടെ.”- ധര്‍മ്മേന്ദ്ര ആശംസിക്കുന്നു.
ധര്‍മ്മേന്ദ്ര അന്തരിച്ച വാര്‍ത്തകള്‍ പരക്കുന്നതോടൊപ്പം ധര്‍മ്മേന്ദ്രയുടെ ഈ വാക്കുകളും വൈറലാവുകയാണ്.
