ഇസ്ലാമബാദ് :ഓപ്പറേഷന് സിന്ദൂറിലെ പരാജയത്തിന്റെ നാണം മറയ്ക്കാന് വീണ് കിട്ടിയ അവസരം ഉപയോഗിച്ച് പാകിസ്ഥാന്. അയല്രാജ്യങ്ങളുമായുള്ള ഞങ്ങളുടെ മത്സരം ആകാശത്ത് മാത്രമാണെന്ന് പറഞ്ഞാണ് പാകിസ്ഥാന് പ്രതിരോധമന്ത്രി ഖ്വാജാ ആസിഫ് ഇന്ത്യയെ പരിഹസിച്ചത് . ദുബായിലെ എയര് ഷോയില് ആകാശത്ത് അഭ്യാസം കാണിക്കാനാകാതെ മണ്ണില് മൂക്കുകുത്തി വീണ തേജസ് വിമാനാപകടത്തെ കടുത്ത ഭാഷയില് പരിഹസിക്കുകയായിരുന്നു ഖ്വാജാ ആസിഫ്.
പാകിസ്ഥാന് ജേണലിസ്റ്റായ ഫെരീഹ എം ഇദ്രീസിന്റെ പോസ്റ്റ്
പാകിസ്ഥാനിലുടനീളം ഇത്തരം പരിഹാസങ്ങള് ഇന്ത്യയ്ക്കെതിരെ ഉയരുകയാണ്. പാകിസ്ഥാന് ജേണലിസ്റ്റായ ഫെരീഹ എം ഇദ്രീസും ഇന്ത്യയ്ക്കെതിരായ പരിഹാസകാമ്പയിനില് പങ്കാളിയായി. നല്ല പരിശീലനം കിട്ടുന്നതുവരെ എല്ലാ വിമാനങ്ങളും ഇന്ത്യ നിലത്തിറക്കുന്നതാണ് നല്ലതെന്ന പരിഹാസച്ചുവ കലര്ന്ന ഉപദേശമാണ് ഫെരീഹ എം ഇദ്രീസ് ഉയര്ത്തുന്നത്.
ഇന്ത്യന് പൈലറ്റിന് വിമാനത്തില് നിന്നും രക്ഷപ്പെടാന് കഴിയാതിരുന്നതിനെയും പാകിസ്ഥാന് പരിഹസിക്കുന്നു. തേജസ് യുദ്ദവിമാനം അഭ്യാസപ്പറക്കലിനിടെ മൂക്കുംകുത്തി വീണത് ചില സാങ്കേതികത്തകരാര് മൂലമാണെന്ന് പറയുന്നു. അട്ടമറിയും ഇന്ത്യ തള്ളിക്കളയുന്നില്ല.
2011ല് തേജസ് പറക്കല് ആരംഭിച്ച ശേഷം ഉണ്ടായ രണ്ടാമത്തെ അപകടം മാത്രമാണിത്. അതുകൊണ്ട് അസ്വസ്ഥരാകേണ്ട കാര്യമില്ലെന്നും 14 വര്ഷത്തിനുള്ളില് രണ്ട് അപകടം ഒരു പുതിയ മോഡല് യുദ്ധവിമാനം സംബന്ധിച്ച് സാധാരണമാണെന്ന് പറയുന്നു.
