കാപ്പി കുടിക്കുന്നത് സമ്മർദ്ദം കുറയ്‌ക്കുന്നു. ആരോഗ്യത്തിനും നല്ലതാണ്. വ്യത്യസ്ത തരം കാപ്പികളുണ്ട്. പക്ഷേ നിങ്ങൾക്ക് കോക്ക്രോച്ച് കോഫി കുടിച്ചിട്ടുണ്ടോ ? മലയാളത്തിൽ പറഞ്ഞാൽ നല്ല അസൽ പാറ്റയിട്ട കോഫി.
ബീജിംഗിലെ ഒരു മ്യൂസിയത്തിലാണ് ഈ വിചിത്ര പരീക്ഷണം നടത്തിയത് . കാപ്പിപ്പൊടി പാറ്റകളിൽ വിതറുന്നു, തുടർന്ന് അവയെ ഉണക്കുന്നു, ഉണങ്ങിയ ശേഷം, പൊടിച്ച് കാപ്പിയിൽ കലർത്തി കുടിക്കുന്നു. ഈ മ്യൂസിയം സന്ദർശിക്കുന്നവർ പലരും ഈ കാപ്പി കുടിച്ചിട്ടുണ്ട്. ഇതിന് കരിഞ്ഞതും ചെറുതായി പുളിച്ചതുമായ രുചിയാണെന്നാണ് കാപ്പി കുടിച്ചവർ പറയുന്നത് .
സൗത്ത് ചൈന മോർണിംഗ് പോസ്റ്റിന്റെ റിപ്പോർട്ട് അനുസരിച്ച്, ഒരു കപ്പ് കോക്രോച്ച് കാപ്പിക്ക് 45 യുവാൻ (532.87 രൂപ) ആണ് വില . പാറ്റയുടെ പൊടി രക്തചംക്രമണം മെച്ചപ്പെടുത്താൻ സഹായിക്കുന്നുവെന്നാണ് ചൈനീസ് ആരോഗ്യവിദഗ്ധർ പറയുന്നത്. മാത്രമല്ല പ്രോട്ടീനും വർധിപ്പിക്കും. ഈ മ്യൂസിയത്തിൽ മാത്രമാണ് കാപ്പി വിൽക്കുന്നത്. എന്നാൽ ഈ മ്യൂസിയത്തിന്റെ പേര് വെളിപ്പെടുത്തിയിട്ടില്ല.
