ദേശവിരുദ്ധ പ്രവർത്തനം നടത്തുന്ന മദ്രസ അടച്ച് പൂട്ടണം : ഒറ്റക്കെട്ടായി നാട്ടുകാർ രംഗത്ത്

ലക്നൗ : ദേശവിരുദ്ധ പ്രവർത്തനം നടത്തുന്ന മദ്രസയ്‌ക്കെതിരെ നാട്ടുകാർ ഒരുമിച്ച് രംഗത്ത് . ഉത്തർപ്രദേശിലെ കൗശാമ്പി ജില്ലയിലെ ദാറുൽ ഉലൂം ഗൗസിയ ഹബീബിയ മദ്രസ ദേശവിരുദ്ധ പ്രവർത്തനങ്ങളിൽ ഏർപ്പെടുന്നതായാണ് നാട്ടുകാരുടെ പരാതി. . ഷേർഗഡ് കാഷിയ പുർബ ഗ്രാമത്തിലാണ് ദാറുൽ ഉലൂം ഗൗസിയ മദ്രസ സ്ഥിതി ചെയ്യുന്നത്.

പുരോഹിതനും അഡ്മിനിസ്ട്രേറ്ററും തീവ്രമായ പ്രത്യയശാസ്ത്രം പ്രചരിപ്പിക്കുന്നുവെന്ന് ആരോപിച്ച് പ്രദേശവാസികൾ ജില്ലാ മജിസ്ട്രേറ്റിന് പരാതി നൽകി. അഡ്മിനിസ്ട്രേറ്റർമാരായ ഹാഫിസ് ഷെരീഫും മുഹമ്മദ് മുദാസിറും വെള്ളിയാഴ്ച പ്രാർത്ഥനയ്‌ക്ക് ശേഷം മൈക്രോഫോൺ ഓഫ് ചെയ്ത് ദേശവിരുദ്ധമായി സംസാരിച്ചതായി പരാതിയിൽ പറയുന്നു.

മദ്രസയുടെ പ്രവർത്തനങ്ങളെക്കുറിച്ച് അന്വേഷണം നടത്തണമെന്നും, അടച്ച് പൂട്ടണമെന്നും ഗ്രാമവാസികൾ ആവശ്യപ്പെട്ടു. സമയബന്ധിതമായി നടപടി സ്വീകരിച്ചില്ലെങ്കിൽ സ്ഥിതി കൂടുതൽ വഷളാകുമെന്നും അവർ പറയുന്നു.പരാതിയെത്തുടർന്ന്, ജില്ലാ ഭരണകൂടത്തിന്റെയും രഹസ്യാന്വേഷണ വകുപ്പിന്റെയും സംഘങ്ങൾ അന്വേഷണം ആരംഭിച്ചു.