തിരുവനന്തപുരം: ബോസ് മലയാളം സീസൺ 6-ലെ ആദ്യ റണ്ണർ അപ്പായ അനീഷിനും സമ്മാനങ്ങള്‍ കൈനിറയെ ലഭിച്ചു.
100 ദിവസത്തെ ഷോയിൽ ദിനംപ്രതി 3500 മുതല്‍ 5,000 രൂപ വരെയായിരുന്നു അനീഷിന് പ്രതിഫലമായി ലഭിച്ചിരുന്നത്. കാരണം താരമൂല്യങ്ങളില്ലാതെ വെറും കോമണര്‍ ആയി വന്ന മത്സരാര്‍ത്ഥിയായിരുന്നു അനീഷ്. ഇതാകെ കൂട്ടിയാല്‍ ഏകദേശം മൂന്നരലക്ഷം രൂപ വരും.
ആദ്യ റണ്ണർ അപ്പ് എന്ന നിലയിൽ 10 ലക്ഷം രൂപയുടെ ചെക്ക് സമ്മാനമായി ലഭിച്ചു. പ്രേക്ഷക പിന്തുണ കണക്കിലെടുത്ത് ബിഗ് ബോസ് സ്പോൺസർമാരായ കോണ്‍ഫിഡന്‍റ് ഗ്രൂപ്പ് ഗ്രൂപ്പ് നേരിട്ടെത്തി 10 ലക്ഷം രൂപ സമ്മാനിക്കുകയായിരുന്നു. കോണ്‍ഫിഡന്‍റ് ഗ്രൂപ്പ് ഗ്രൂപ്പ് ഉടമ സി.ജെ. റോയി ആണ് പണം സമ്മാനിച്ചത്.
ഇതുകൂടാതെ, My G ഉൾപ്പെടെയുള്ള ബിഗ് ബോസ് പങ്കാളികൾ രണ്ട് ലക്ഷം രൂപ വിലമതിക്കുന്ന മൊബൈൽ ഫോണുകളും വീട്ടുപകരണങ്ങളും അനീഷിന് കൈമാറി.ഇനി മോഹൻലാൽ നൽകുന്ന ഒരു പ്രത്യേക സമ്മാനം ഉടൻ തന്നെ അനീഷിനെ തേടിയെത്തുമെന്ന് പറയുന്നു.
ഷോയില്‍ ഒന്നാം സ്ഥാനം നേടിയ അനുമോള്‍ക്ക് 50 ലക്ഷം സമ്മാനമായി ലഭിച്ചിരുന്നു. പക്ഷെ പല തുള്ളി പെരുവെള്ളം എന്ന് പറഞ്ഞതുപോലെ പല ഭാഗങ്ങളില്‍ നിന്നുള്ള സമ്മാനങ്ങള്‍ ചേരുമ്പോള്‍ അനീഷിനും റണ്ണറപ് എന്ന നിലയില്‍ മോശമല്ലാത്ത സമ്മാനം ലഭിച്ചു. ബിഗ് ബോസില്‍ രണ്ടാം സ്ഥാനം നേടുന്ന മത്സരാര്‍ത്ഥിക്ക് ഇത്രയ്‌ക്കധികം തുകയുടെ സമ്മാനം ലഭിക്കുക പതിവില്ല.
