പട്ന: ബീഹാറില് നിശ്ശബ്ദം പ്രവര്ത്തിക്കുന്ന നന്മയുടെ നിറകുടമായ ബിജെപി മന്ത്രിയാണ് പ്രേംകുമര്. ബിജെപിയുടെ സഹകരണ-വനം പരിസ്ഥിതി മന്ത്രിയാണ്. എട്ട് തവണ ഗയ ടൗണ് മണ്ഡലത്തില് നിന്നും എംഎല്എ ആയി വിജയിച്ച നേതാവ്. പിആര് ഇല്ല, ഷോ ഇല്ല, കര്മ്മം ചെയ്യുക, ജനങ്ങളെ സേവിക്കുക എന്നതില് മാത്രം മുഴുകുന്ന നേതാവ്.
തെക്കന് ബീഹാറില് മഗധ പ്രദേശത്തിന്റെ ഭാഗമായി ഗയ ടൗണ്. ശ്രീബുദ്ധന് നിര്വ്വാണപദം പൂകിയ ബോധ്ഗയ ഇവിടെയാണ്. .ചന്ദ്രവംശി എന്ന പിന്നാക്ക വിഭാഗത്തെ പ്രതിനിധീകരിക്കുന്ന ആളാണ് പ്രേംകുമാര്. കായസ്ത എന്ന മുന്നോക്കവിഭാഗത്തില്പ്പെട്ടവരാണ് ഇവിടുത്തെ ഭൂരിഭാഗം വോട്ടര്മാരെങ്കിലും അവരില് ഭൂരിഭാഗവും വോട്ടുകുത്തുന്നത് പ്രേംകുമാറിനാണ്. ജനസേവനത്തിലൂടെയാണ് അദ്ദേഹം ജനഹൃദയങ്ങളില് കയറിപ്പറ്റിയത്. 1991ല് മഗധ് സര്വ്വകലാശാലയില് നിന്നും ഡോക്ടറേറ്റ് നേടിയ വ്യക്തിയാണ്.
2020ല് പ്രേംകുമാര് 9000 വോട്ടുകള്ക്ക് തോല്പിച്ച അഘോരി ഓങ്കാര്നാഥ് തന്നെയാണ് ഇക്കുറിയും എതിര്സ്ഥാനാര്ത്ഥിയെന്നതിനാല് പ്രേംകുമാര് ജയം ഉറപ്പിച്ചുകഴിഞ്ഞു. എക്സിറ്റ് പോള് കൂടി അനുകൂലമാകുന്നതോടെ ഭൂരിപക്ഷം എത്ര കൂടി എന്നേ നോക്കാനുള്ളൂ.
