ന്യൂദല്‍ഹി:ബീഹാറിലെ തെരഞ്ഞെടുപ്പ് പ്രചാരണത്തിന്റെയും ഹരിയാനയിലെ വോട്ട് ചോരി കള്ള ആരോപണത്തിന്റെ ക്ഷീണവും മാറ്റാന്‍ മധ്യപ്രദേശിലെ കടുവാസങ്കേതത്തില്‍ വിനോദയാത്ര നടത്തുകയാണ് രാഹുല്‍ ഗാന്ധി.
ഇനി ഈ കടുവാസങ്കേതത്തില്‍ വല്ല രഹസ്യ ജെന്‍സീ കലാപത്തിനുള്ള ഗൂഢാലോചന നടക്കുന്നുണ്ടോ എന്നറിയില്ല. കാരണം ഈയിടെ രാഹുല്‍ ഗാന്ധി നടത്തുന്ന ഒളിച്ചുള്ളവിദേശയാത്രകളില്‍ അദ്ദേഹം ഇന്ത്യയില്‍ കുഴപ്പങ്ങള്‍ ഉണ്ടാക്കാന്‍ തുനിഞ്ഞിറങ്ങിയ പല വിദേശികളെയും ജോര്‍ജ്ജ് സോറോസ് എന്‍ജിഒകളുടെ ചുക്കാന്‍ പിടിക്കുന്നവരെയും കൂടിക്കാഴ്ച നടത്തുന്നുണ്ട്.
ഈയിടെ ആരുമറിയാതെ യുഎസില്‍ പോയി വന്നതേയുള്ളൂ. അവിടെ വെച്ച് അവര്‍ ജോര്‍ജ്ജ് സോറോസ് എന്‍ജിഒ സംഘടനകളുടെ പ്രവര്‍ത്തനം നോക്കുന്ന മനുഷ്യാവകാശ പ്രവര്‍ത്തകയായ സുനിത വിശ്വനാഥുമായി കൂടിക്കാഴ്ച നടത്തിയിരുന്നു. ഇന്ത്യയിലെ നരേന്ദ്രമോദി സര്‍ക്കാരിനെ അട്ടിമറിക്കുക വേദവാക്യമായി എടുത്ത വ്യക്തിയാണ് ജോര്‍ജ്ജ് സോറോസ്. വോട്ട് ചോരിയും ഇവരുടെ ആശയമാണെന്ന് കരുതുന്നു.
എന്തായാലും വോട്ട് ചോരി എന്ന കള്ള ആരോപണം ഉന്നയിച്ച ശേഷം ഇപ്പോള്‍ ഒന്നുമറിയാത്തവനെപ്പോലെ മധ്യപ്രദേശിലെ കടുവാസങ്കേതത്തില്‍ വിനോദയാത്ര നടത്തുകയാണ് രാഹുല്‍ ഗാന്ധി. വെള്ളിയാഴ്ചയാണ് ഹരിയാനയില്‍ 2024ല്‍ നടന്ന നിയമസഭാ തെരഞ്ഞെടുപ്പില്‍ മോദി സര്‍ക്കാരും തെരഞ്ഞെടുപ്പ് കമ്മീഷനും ചേര്‍ന്ന് വോട്ട് മോഷണം നടത്തി അവിടെ ബിജെപിയ്‌ക്ക് ജയം ഉറപ്പിച്ചതെന്നാണ് രാഹുല്‍ ഗാന്ധി വാദിച്ചത്. ഇത് തെറ്റാണെന്ന് പിന്നീട് മാധ്യമങ്ങള്‍ കണ്ടെത്തിയിരുന്നു.
