ന്യൂദല്‍ഹി: ദല്‍ഹിയില്‍ ചെങ്കോട്ടയ്‌ക്ക് സമീപം കാര്‍ സ്ഫോടനം നടത്തിയ ഡോക്ടര്‍ ഉമര്‍ മുഹമ്മദ് ശാന്ത സ്വഭാവക്കാരനാണെന്ന് സഹോദരന്റെ ഭാര്യ.പൊട്ടിത്തെറിച്ച വെളുത്ത ഹ്യൂണ്ടായ് ഐ20 കാര്‍ ഓടിച്ചത് ജെയ്‌ഷെ ഭീകരനായ ഈ ഡോക്ടര്‍ ഉമര്‍ മുഹമ്മദ് ആയിരുന്നു. അവന് അത്തരക്കാരന ല്ലെന്നും കല്യാണം ഉറപ്പിച്ചിരിക്കുകയാണെന്നും പക്ഷെ കഴിഞ്ഞ രണ്ട് മാസമായി വീട്ടില്‍ വന്നിട്ടെന്നും മുസമില പറഞ്ഞു. വളരെ ബുദ്ധിമുട്ടി പഠിച്ചാണ് അവന് ഡോക്ടറായതെന്നും സഹോദരന്റെ ഭാര്യയായ മുസമില പറഞ്ഞു. അവനെ പഠിപ്പിക്കാന്‍ ഞങ്ങള്‍ വളരെയധികം ബുദ്ധിമുട്ടിയിരുന്തായും മുസമില പറയുന്നു. ഇയാള്‍ക്ക് മെഡിസിനില്‍ എംഡി ഉണ്ട്.
ശാന്തനാണെന്ന് മാത്രമല്ല, വളരെ ചിട്ടയുള്ള ആളുമായിരുന്നു ഡോക്ടര്‍ ഉമര്‍ മുഹമ്മദ് നബിയെന്നും മുസമില പറയുന്നു. പ്രവാചകനായ മുഹമ്മദ് നബിയുടെ പേരു തന്നെ ഉമര്‍ എന്ന പേരിനൊപ്പം മാതാപിതാക്കള്‍ നല്‍കിയത് ഏറെ പ്രതീക്ഷകളോടെയാണ്.
മുസമിലയ്‌ക്ക് മാത്രമല്ല ബന്ധുക്കള്‍ക്കും ഇത് വിശ്വസിക്കാനാവുന്നില്ല. പ്രധാനമായും പഠനത്തില്‍ മാത്രം ശ്രദ്ധകേന്ദ്രീകരിക്കുന്ന ഒരു അന്തര്‍മുഖനായിരുന്നത്രെ ഡോക്ടര്‍ ഉമര്‍ മുഹമ്മദ് നബി. ‘എന്റെ മക്കളെ അവന് ആഴത്തില്‍ സ്നേഹിച്ചിരുന്നു. ക്രിക്കറ്റും അവന് വലിയ ഇഷ്ടമായിരുന്നു.’ – മുസമില പറയുന്നു.
ഡോക്ടര്‍ ഉമര്‍ മുഹമ്മദ് നബിയുടെ വീട് പുല്‍വാമയില്‍, ജെയ്ഷ് എ മുഹമ്മദിന്റെ സ്വാധീനകേന്ദ്രം
ജമ്മു കശ്മീരിലെ പുല്‍വാമയിലാണ് ഡോക്ടര്‍ ഉമര്‍ മുഹമ്മദ് നബിയുടെ വീട്. ഏതാനും വര്‍ഷങ്ങള്‍ക്ക് മുന്‍പാണ് ജോലിക്കായി ഹരിയാനയിലെ ഫരീദാബാദിലുള്ള അല്‍ ഫല സര്‍വ്വകലാശാലയുടെ മെഡിക്കല്‍ കോളെജിലേക്ക് പോയത്. ഇവിടെവെച്ചാണ് ഇയാള്‍ മതമൗലികവാദ ചിന്തയിലേക്കും ജെയ്ഷ് എ മുഹമ്മദിന്റെ ആശയങ്ങളിലേക്കും പൂര്‍ണ്ണമായും മാറിയത്.
2019ല്‍ ജെയ്ഷ് എ മുഹമ്മദ് ആണ് പുല്‍വാമയില്‍ സിആര്‍പിഎഫ് ജവാന്മാര് പോകുന്ന വാഹനനിരയെ ആക്രമിച്ചത്. പുല്‍വാമയില്‍ നിന്നുള്ള യുവാവായ ആദില്‍ അഹമ്മദ് ദര്‍ സ്ഫോടനവസ്തുക്കള്‍ നിറച്ച വാഹനം ജമ്മു ശ്രീനഗര്‍ ഹൈവേയിലൂടെ പോകുകയായിരുന്ന സിആര്‍പിഎഫ് ജവാന്മാരുടെ വാഹന നിരയിലേക്ക് ഇടിച്ചുകയറ്റുകയായിരുന്നു. ഇത് ഒരു ചാവേര്‍ ആക്രമണമായിരുന്നു. ഇതില്‍ 40 സിആര്‍പിഎഫ് ജവാന്മാര് കൊല്ലപ്പെട്ടിരുന്നു.
