തിരുവനന്തപുരം: മെഡിക്കല് കോളേജ് ആശുപത്രിയില് ചികിത്സ ലഭിക്കാതെ കൊല്ലം പന്മന സ്വദേശി വേണു മരിച്ച സംഭവത്തില് അന്വേഷണത്തിന്റെ ഭാഗമായി ഒരാളും തങ്ങളെ ബന്ധപ്പെട്ടിട്ടില്ലെന്ന് ഭാര്യ സിന്ധു.അന്വേഷണത്തിന്റെ ഭാഗമായി ഒരാളും തങ്ങളെ ബന്ധപ്പെട്ടിട്ടില്ലെന്ന് സിന്ധു പറഞ്ഞു.
വേണു പറഞ്ഞത് പോലെ നായ്ക്കളെ കാണുന്നതുപോലെയാണ് സര്ക്കാര് തങ്ങളെ കാണുന്നത്. ആകെയുള്ള കൂട്ടാണ് നഷ്ടപ്പെട്ടത്. മാനുഷിക പരിഗണന കാണിക്കാമായിരുന്നെങ്കിലും അതും ഉണ്ടായില്ല. എന്തിനു വേണ്ടിയാണ് ഡോക്ടര്മാരെ രക്ഷിക്കാന് ശ്രമിക്കുന്നതെന്നും സിന്ധു ചോദിക്കുന്നു. ക്രിയാറ്റിന് കൂടുതലാണെന്ന് പറഞ്ഞിട്ടില്ല. അവിടെ ഉണ്ടായിരുന്ന കൂട്ടിരിപ്പുകാരില് നിന്ന് വിവരങ്ങള് തേടിയാല് അറിയാം സത്യാവസ്ഥ. താനും ഭര്ത്താവും നേരിട്ട അനുഭവമാണ് പറഞ്ഞത്.
ആന്ജിയോഗ്രാം കൊല്ലത്ത് ഇല്ലാത്തതിനാലാണ് തിരുവനന്തപുരത്തേക്ക് കൊണ്ടുപോയത്. വ്യക്തമായി ഒരു കാര്യവും ആശുപത്രിയില് നിന്ന് അറിയിച്ചിട്ടില്ല.ആന്ജിയോഗ്രാം ചെയ്യാമെന്ന് പറഞ്ഞതല്ലാതെ ചെയ്തില്ല. മരുന്ന് നല്കിയിട്ടും കുറഞ്ഞില്ല. മരിച്ച സമയത്തും തന്നെ വേണുവിനെ കാണാന് സമ്മതിച്ചില്ലെന്ന് സിന്ധു പറഞ്ഞു.
ഡോക്ടര്മാരെ സഹായിക്കുന്നതാണ് അന്വേഷണ റിപ്പോര്ട്ട് .ഡോക്ടര്മാരെ ന്യായീകരിച്ചിട്ട് കാര്യമില്ല. എന്തിന് വേണ്ടിയാണ് ഡോക്ടര്മാരെ ഇങ്ങനെ പിന്തുണക്കുന്നത്. ഇങ്ങനെ പിന്തുണക്കുന്നതുകൊണ്ട് നാളെ വേറെയും രോഗികള് കൊല്ലപ്പെടുമെന്ന് സിന്ധു പറഞ്ഞു.
