തിരുവനന്തപുരം: ഹരിയാനയിലെ വോട്ടര്‍പട്ടികയില്‍ രണ്ട് മണ്ഡലങ്ങളിലായി 223 തവണ ഫോട്ടോ വന്നു എന്ന് രാഹുല്‍ ഗാന്ധി വെളിപ്പെടുത്തിയ ചരണ്‍ജിത് കൗര്‍ വോട്ട് ചെയ്തത് ഒരു തവണ മാത്രം.മറ്റ് 222 മേല്‍വിലാസത്തിലുള്ളവരും ഇവിടെ പ്രത്യേകം പ്രത്യേകം വോട്ട് ചെയ്തുവെന്ന് കണ്ടെത്തി മാതൃഭൂമി ചാനലിന്റെ ലേഖകന്‍. ഇതോടെ ഒരാള്‍ 223 തവണ വോട്ടു ചെയ്തു എന്ന രാഹുല്‍ ഗാന്ധിയുടെ ഈ നുണബോംബും പൊളിഞ്ഞു. അങ്ങിനെ ജിഹാദികളുമായി ഇടയ്‌ക്കിടെ കൈകോര്‍ക്കാറുള്ള മാതൃഭൂമി ചാനലും അങ്ങിനെ രാഹുല്‍ ഗാന്ധിയുടെ ഹൈഡ്രജന്‍ ബോംബ് പൊളിച്ചിരിക്കുകയാണ്.
ഹരിയാനയിലെ അംബാല ജില്ലയിലെ ധാക്കോല ഗ്രാമത്തിലാണ് ചരണ്‍ജിത് കൗറിന്റെ സ്വദേശം. രാഹുല്‍ ഗാന്ധി വാര്‍ത്താസമ്മേളനത്തില്‍ പുറത്തുവിട്ട വോട്ടര്‍പട്ടികയില്‍ ധാക്കോലയിലെ രണ്ട് ബൂത്തുകളിലെ 223 വോട്ടര്‍മാര്‍ക്ക് ഫോട്ടോ ആയി കൊടുത്തിരിക്കുന്നത് ചരണ്‍ജിത് കൗറിന്റെ ചിത്രമാണ്. ഇത് എങ്ങിനെ സംഭവിച്ചു എന്നറിയില്ല. പക്ഷെ ഈ രണ്ട് ബൂത്തുകളിലെയും 223 വോട്ടര്‍മാരും അവരവരുടെ വോട്ടര്‍ ഐഡി ഉപയോഗിച്ച് വോട്ട് ചെയ്തതായി മാതൃഭൂമിയുടെ ലേഖകന്‍ കണ്ടെത്തി. അതായത് രാഹുല്‍ ഗാന്ധി ആരോപിച്ചത് പോലെ ചരണ്‍ ജിത് കൗര്‍ 223 തവണ വോട്ട് ചെയ്തിട്ടില്ലെന്ന് അര്‍ത്ഥം. ഇതോടെ രാഹുല്‍ ഗാന്ധിയുടെ ഹരിയാന നിയമസഭാതെരഞ്ഞെടുപ്പില്‍ തെരഞ്ഞെടുപ്പ് കമ്മീഷനും ബിജെപി സര്‍ക്കാരും രഹസ്യമായ ധാരണയുടെ അടിസ്ഥാനത്തില്‍ വോട്ടുകള്‍ മോഷ്ടിച്ചു എന്നും ഇതിന്റെ അടിസ്ഥാനത്തിലാണ് ഹരിയാനയില്‍ കോണ്‍ഗ്രസിനെ ബിജെപി തോല്‍പിച്ചതെന്നുമുള്ള വാദം പൂര്‍ണ്ണമായും പൊളിഞ്ഞിരിക്കുകയാണ്.
223 തവണ വോട്ടര്‍പട്ടികയില്‍ ചരണ്‍ജിത് കൗറിന്റെ ചിത്രം അച്ചടിച്ച് വന്നുവെന്ന പ്രശ്നം എല്ലാ പാര്‍ട്ടികളിലെയും ബൂത്ത് ഏജന്‍റുമാര്‍ക്ക് അറിയാമായിരുന്നു. അവര്‍ അതനുസരിച്ച് വോട്ടര്‍മാര്‍ക്ക് ഇക്കാര്യംമുന്നറിയിപ്പായി നല്‍കുകയും എല്ലാവരോടും വോട്ട് ചെയ്യാന്‍ വരുമ്പോള്‍ വോട്ടര്‍ ഐഡി കാര്‍ഡ് നിര്‍ബന്ധമായും കയ്യില്‍ കരുതണമെന്ന് ആവശ്യപ്പെട്ടിരുന്നെന്നും പറയുന്നു. അതനുസരിച്ച് വോട്ടര്‍മാര്‍ വോട്ടര്‍ ഐഡി കാണിച്ചാണ് അവരവരുടെ വോട്ടുകള്‍ രേഖപ്പെടുത്തിയത്.
