ന്യൂദല്ഹി: കഴിഞ്ഞ ദിവസം മോദി സര്ക്കാരിനെതിരെ സമരം ചെയ്യാന് ഇന്ത്യയിലെ ജെന്സീ തലമുറയോട് രാഹുല് ഗാന്ധി ആഹ്വാനം ചെയ്തെങ്കിലും ജെന്സീ കലാപം പൊട്ടിപ്പുറപ്പെട്ടത് പാകിസ്ഥാനില്. കശ്മീരില് പാകിസ്ഥാന് കയ്യടക്കി വെച്ചിരിക്കുന്ന പാക് അധീന കശ്മീരില് പാകിസ്ഥാന് സര്ക്കാരിനെതിരെ ജെന്സീ കലാപം പൊട്ടിപ്പുറപ്പെട്ടിരിക്കുകയാണ്.
ജെന്സീ കലാപത്തെക്കുറിച്ചുള്ള എക്സിലെ പോസ്റ്റ്
ജെന്സീയെ നിയന്ത്രിക്കാനാവാതെ പാകിസ്ഥാന് പൊലീസും പട്ടാളവും വിഷമിക്കുകയാണ്. സൈന്യത്തിന്റെ ചുമതലയുള്ള അസിം മുനീറും പാക് പ്രധാനമന്ത്രി ഷെഹ്ബാസ് ഷെരീഫും കലാപം നിയന്ത്രിക്കാനാകാതെ വിഷമിക്കുന്നുവെന്നാണ് റിപ്പോര്ട്ടുകള്.
ഒരാഴ്ച മുന്പ് ജെന്സീ കലാപം പാക് അധിന കശ്മീരില് പൊട്ടിപ്പുറപ്പെട്ടിരുന്നു. അതിനെ ശക്തമായി അടിച്ചമര്ത്തിയതിന് പിന്നാലെയാണ് അടുത്ത കലാപതരംഗം പൊട്ടിപ്പുറപ്പെട്ടിരിക്കുന്നത്. വിദ്യഭ്യാസ ഫീസ് ഉയര്ത്തിനെതിരായ വിദ്യാര്ത്ഥികളുടെ സമാധാന സമരമാണ് പിന്നീട് അക്രമാസക്ത സമരമായി മാറിയത്. സമാധാനപരമായി സമരം ചെയ്യുന്ന വിദ്യാര്ത്ഥികള്ക്ക് നേരെ ഒരു അജ്ഞാതന് നിറയൊഴിച്ചതോടെയാണ് വിദ്യാര്ത്ഥിസമരം അക്രമത്തിലേക്ക് തിരിഞ്ഞത്. മുസഫറാബാദിലാണ് സംഭവം. ഒരാള് വിദ്യാര്ത്ഥികള്ക്ക് നേരെ നിറയൊഴിക്കുന്നതിന്റെ വീഡിയോ വൈറലാണ്. ഷെഹ്ബാസ് ഷെരീഫ് സര്ക്കാരിനെതിരായ വിദ്യാര്ത്ഥികളുടെ അതൃപ്തിയാണ് സമരത്തിന് പിന്നില്.
