സൂപ്പര്‍ ലീഗ്കേരള കണ്ണൂരേക്ക്

കണ്ണൂര്‍: സൂപ്പര്‍ ലീഗ് കേരളയില്‍ കണ്ണൂര്‍ മുനിസിപ്പല്‍ ജവഹര്‍ സ്റ്റേഡിയത്തില്‍ നവംബര്‍ ഏഴിന് ആദ്യമായി പന്തുരുളുന്നു. കണ്ണൂര്‍ വാരിയേഴ്സിന്റെ ഹോം ഗ്രൗണ്ട് മത്സരങ്ങള്‍ക്കാണ് സ്റ്റേഡിയം വേദിയാകുന്നത്. വാരിയേഴ്സിന്റെ അഞ്ച് ഹോം മത്സരങ്ങളാണ് സ്റ്റേഡിയത്തില്‍ അരങ്ങേറുക. നവംബര്‍ എഴിന് നടക്കുന്ന ആദ്യ മത്സരത്തില്‍ കണ്ണൂര്‍ വാരിയേഴ്‌സ് എഫ്‌സി തൃശൂര്‍ മാജിക് എഫ്‌സിയെ നേരിടും.

നവംബര്‍ 10ന് തിരുവനന്തപുരം കൊമ്പന്‍സ് എഫ്‌സി, നവംബര്‍ 19ന് മലപ്പുറം എഫ്‌സി, നവംബര്‍ 23 ന് ഫോഴ്‌സ കൊച്ചി എഫ്‌സി, നവംബര്‍ 28ന് കാലിക്കറ്റ് എഫ്‌സി എന്നിവരാണ് കണ്ണൂരിന്റെ എതിരാളി. രാത്രി 7.30നാണ് എല്ലാ മത്സരങ്ങളും നടക്കുക.

കണ്ണൂരിലെ മത്സരങ്ങളുടെ വിജയകരമായ നടത്തിപ്പിനുള്ള സംഘാടക സമിതി രൂപീകരണം, ഓഫീസ് ഉദ്ഘാടനം, ടിക്കറ്റ് വില്‍പ്പനയുടെ ഉദ്ഘാടനം എന്നിവ ഇന്ന് നടക്കും.

അഞ്ച് ഹോം മത്സരങ്ങള്‍ക്ക് പുറമെ അഞ്ച് എവേ മത്സരങ്ങളാണ് ടീമിനുള്ളത്. അതില്‍ നാല് എവേ മത്സരങ്ങള്‍ പൂര്‍ത്തിയായിട്ടുണ്ട്. നാല് മത്സരങ്ങളില്‍ നിന്ന് മൂന്ന് ജയവും ഒരു സമനിലയുമായി പത്ത് പോയിന്റുമായി തോല്‍വി അറിയാതെ സൂപ്പര്‍ ലീഗ് കേരളയില്‍ കണ്ണൂര്‍ വാരിയേഴ്‌സ് കുതിപ്പ് തുടരുകയാണ്. അവസാന എവേ മത്സരത്തില്‍ തൃശൂര്‍ കേര്‍പ്പറേഷന്‍ സ്റ്റേഡിയത്തില്‍ തൃശൂര്‍ മാജിക് എഫ്‌സിക്കെതിരെ ഏറ്റുമുട്ടും. സുപ്പര്‍ ലീഗ് കേരളയില്‍ ആദ്യ സീസണില്‍ കണ്ണൂര്‍ വാരിയേഴ്‌സിന് സ്വന്തമായി ഹോം സ്റ്റേഡിയം ഇല്ലായിരുന്നു. കോഴിക്കോട് കോര്‍പ്പറേഷന്‍ സ്റ്റേഡിയത്തിലായിരുന്നു കണ്ണൂര്‍ വാരിയേഴ്‌സ് ഹോം മത്സരങ്ങള്‍ കളിച്ചിരുന്നത്.

നവംബര്‍ 7
കണ്ണൂര്‍ വാരിയേഴ്‌സ് എഫ്‌സി V/s  തൃശൂര്‍ മാജിക് എഫ്‌സി

നവംബര്‍ 10
കണ്ണൂര്‍ വാരിയേഴ്‌സ് എഫ്‌സി V/s  തിരുവനന്തപുരം
കൊമ്പന്‍സ് എഫ്‌സി

നവംബര്‍ 19
കണ്ണൂര്‍ വാരിയേഴ്‌സ് എഫ്‌സി V/s  മലപ്പുറം എഫ്‌സി

നവംബര്‍ 23
കണ്ണൂര്‍ വാരിയേഴ്‌സ് എഫ്‌സി V/s  ഫോഴ്‌സ കൊച്ചി എഫ്‌സി

നവംബര്‍ 28
കണ്ണൂര്‍ വാരിയേഴ്‌സ് എഫ്‌സി V/s  കാലിക്കറ്റ് എഫ്‌സി