ഗുവാഹത്തി: ഐടി രംഗത്ത് മിടുക്കരില്ലാത്ത അസമിനെ സെമി കണ്ടക്ടര് ഫാക്ടറി നല്കിയതിനെ വിമര്ശിച്ച് കര്ണ്ണാടകയിലെ ഐടി മന്ത്രി പ്രിയങ്ക് ഖാര്ഗെ. ഈ പ്രസ്താവന വഴി അസമിലെ യുവാക്കളെ മുഴുവന് അധിക്ഷേപിച്ച പ്രിയങ്ക് ഖാര്ഗെയ്ക്കെതിരെ നിയമനടപടികള് കൈക്കൊള്ളുമെന്ന് അസം മുഖ്യമന്ത്രി ഹിമന്ത ശര്മ്മ.
സെമികണ്ടക്ടര് രംഗത്ത് മുതല് മുടക്കാന് വരുന്ന കമ്പനികളെ ഗുജറാത്തിലേക്കും അസമിലേക്കും കൊണ്ടുപോവുകയാണ് കേന്ദ്രസര്ക്കാര് എന്നതാണ് പ്രിയങ്ക് ഖാര്ഗെ ഉയര്ത്തിയ മറ്റൊരു ആരോപണം. വാസ്തവത്തില് ബെംഗളൂരു നഗരത്തിലെ അടിസ്ഥാനസൗകര്യവികസനത്തിലെ പോരായ്മകളുടെ പേരില് കര്ണ്ണാടകത്തിലെ കോണ്ഗ്രസ് സര്ക്കാരിനെതിരെ വിമര്ശനം ഉയര്ത്തുകയാണ് വിവിധ ഐടി കമ്പനികളിലെ സിഇഒമാര്. ബെംഗളൂരുിലെ റോഡുകളും അഴുക്കുനിര്മ്മാര്ജ്ജനവും മോശമാണെന്ന വിമര്ശനം ഉയര്ത്തിയത് ബയോകോണ് ഉടമ കിരണ് മജുംദാര് ഷാ ആണ്.
ബയോകോണ് പാര്ക്കിലേക്ക് വന്ന ഒരു ബിസിനസ് നിക്ഷേപകന് ചോദിച്ചത് എന്താണ് ബെംഗളൂരുവിലെ റോഡുകള് ഇത്രയ്ക്ക് മോശം എന്നാണെന്ന് കിരണ് മജുംദാര് ഷാ വിമര്ശിച്ചിരുന്നു. കോണ്ഗ്രസ് അനുകൂല നിലപാടുള്ള കിരണ് മജുംദാര് ഷാ പോലും ഇത്രയ്ക്ക് വിമര്ശിക്കണമെങ്കില് മറ്റ് ഐടി കമ്പനികളുടെ സിഇഒമാരുടെയും ഉടമകളുടെയും കാര്യം പറയേണ്ടതില്ലല്ലോ.
പ്രിയാങ്ക് ഖാര്ഗെ ഐടി മന്ത്രി എന്ന നിലയിലുള്ള ജോലിയല്ല, പകരം ആര്എസ്എസിനെ കടന്നാക്രമിക്കാനും സനാതനധര്മ്മത്തെ നശിപ്പിക്കാനും ഉള്ള ജോലികളിലാണ് കൂടുതല് വ്യാപൃതനായി ഇരിക്കുന്നതെന്നും വിമര്ശനങ്ങള് ഉയരുന്നുണ്ട്.
മിടുക്കരായ ഐടി പ്രൊഫഷണലുകള് അസമില് ഇല്ലെന്ന പ്രസ്താവനയിലൂടെ അസമിലെ യുവാക്കളെയാണ് പ്രിയങ്ക് ഖാര്ഗെ പരിഹസിച്ചതെന്ന് ഹിമന്ത ബിശ്വ ശര്മ്മ പറഞ്ഞു. അസം യുവത്വത്തെ പരിഹസിച്ച പ്രിയങ്ക് ഖാര്ഗെയ്ക്കെതിരെ നിയമനടപടികള് സ്വീകരിക്കുമെന്നും ഹിമന്ത ബിശ്വ ശര്മ്മ പറഞ്ഞു.
പല വലിയ ഐടി നിക്ഷേപങ്ങളും ബെംഗളൂരുവില് നിന്നും പുറത്തേക്ക് പോവുകയാണ്. ഈയിടെ ഗൂഗിള് അവരുടെ എഐ ഡേറ്റ സെന്റര് സ്ഥാപിക്കുന്നതിനുള്ള 1500 കോടി ഡോളര് നിക്ഷേപം നടത്തുന്നത് ആന്ധ്രപ്രദേശിലെ വിശാഖപട്ടണത്താണ്. ആന്ധ്രയില് ഐടി കമ്പനികള്ക്ക് കൂടുതല് സ്വീകാര്യനായ ചന്ദ്രബാബു നായിഡു എത്തിയതോടെ കൂടുതല് ഐടി നിക്ഷേപങ്ങള് ആന്ധ്രയിലേക്ക്പോകുന്നുണ്ട്. ഗുജറാത്തിലും അസമിലും ബിജെപി സര്ക്കാരുകളുടെ ഐടി മന്ത്രിമാര് സജീവമാണ്. പുതിയ പദ്ധതികള് ആകര്ഷിക്കാന് മികച്ച വാഗ്ദാനങ്ങളാണ് ഇവര് നല്കുന്നത്.
