ന്യൂദല്ഹി: പിഎം ശ്രീയില് ഒപ്പിട്ടതുമായി ബന്ധപ്പെട്ട് ഇരു കമ്മ്യൂണിസ്റ്റു പാര്ട്ടികളും തമ്മിലുള്ള ഭിന്നത കേരളത്തില് സംസാരിച്ച് തീര്ക്കട്ടെയെന്ന് സിപിഎം ജനറല് സെക്രട്ടറി എം.എ.ബേബി. ഈ വിഷയവുമായി ബന്ധപ്പെട്ട് ആശങ്കയറിയിക്കാനെത്തിയ സിപിഐ ജനറല് സെക്രട്ടറി ഡി.രാജയുമായുളള കൂടിക്കാഴ്ചയ്ക്കു ശേഷമാണ് ബേബി ഇക്കാര്യം പറഞ്ഞത്.അര മണിക്കൂറോളം ഇരു് നേതാക്കളും ചര്ച്ച നടത്തി.
വിഷയത്തില് രമ്യമായ പരിഹാരം കണ്ടെത്താന് കേരളത്തിലെ ഇരു പാര്ട്ടികളുടെയും നേതൃത്വത്തെ തങ്ങള് സഹായിക്കും. ഇത് കേരളത്തില് ചര്ച്ച ചെയ്ത് തീരുമാനിക്കേണ്ട കാര്യമാണ്. പിഎം ശ്രീയില് ഒപ്പിട്ടാലും കേരളത്തിലെ വിദ്യാഭ്യാസ മേഖലയില് കമ്മ്യൂണിസ്റ്റുവല്ക്കരണം ഉറപ്പാക്കാനാകുമെന്ന് അദ്ദേഹം ആത്മവിശ്വാസം പ്രകടിപ്പിച്ചു.
