ന്യൂദൽഹി : ആസിയാൻ അധ്യക്ഷസ്ഥാനം മലേഷ്യ ഏറ്റെടുത്തതിൽ പ്രധാനമന്ത്രി ഇബ്രാഹിമിനെ ദയംഗമമായ അഭിനന്ദനങ്ങൾ അറിയിച്ച് പ്രധാനമന്ത്രി നരേന്ദ്രമോദി. മലേഷ്യയുടെ നേതൃത്വത്തിൽ വരാനിരിക്കുന്ന ആസിയാൻ അനുബന്ധ ഉച്ചകോടികൾ വിജയകരമായി നടത്താൻ അദ്ദേഹം എല്ലാവിധ ആശംസകളും നേർന്നു.
ആസിയാൻ-ഇന്ത്യ ഉച്ചകോടിയിൽ വെർച്വലായി പങ്കെടുക്കാൻ പ്രധാനമന്ത്രി മോദി താൽപര്യം പ്രകടിപ്പിക്കുകയും ആസിയാൻ-ഇന്ത്യ സമഗ്ര തന്ത്രപരമായ പങ്കാളിത്തം കൂടുതൽ ശക്തിപ്പെടുത്തുന്നതിനുള്ള ഇന്ത്യയുടെ പ്രതിബദ്ധത വീണ്ടും ഉറപ്പിക്കുകയും ചെയ്തു. മലേഷ്യൻ പ്രധാനമന്ത്രിയുമായി നടത്തിയ സൗഹൃദ സംഭാഷണത്തിലാണ് മോദി അഭിനന്ദനങ്ങൾ അറിയിച്ചത്. ഇക്കാര്യം പ്രധാനമന്ത്രി മോദി എക്സിൽ പങ്കുവയ്‌ക്കുകയും ചെയ്തു.
എക്‌സിലെ പോസ്റ്റ്:
“എന്റെ പ്രിയ സുഹൃത്ത്, മലേഷ്യൻ പ്രധാനമന്ത്രി അൻവർ ഇബ്രാഹിമുമായി ഊഷ്മളമായ സംഭാഷണം നടത്തി. മലേഷ്യയ്‌ക്ക് ആസിയാൻ അധ്യക്ഷസ്ഥാനം ലഭിച്ചതിൽ അദ്ദേഹത്തെ അഭിനന്ദിക്കുകയും വരാനിരിക്കുന്ന ഉച്ചകോടികളുടെ വിജയത്തിനായി ആശംസകൾ അറിയിക്കുകയും ചെയ്തു. ആസിയാൻ-ഇന്ത്യ ഉച്ചകോടിയിൽ വെർച്വലായി പങ്കെടുക്കാനും ആസിയാൻ-ഇന്ത്യ സമഗ്ര തന്ത്രപരമായ പങ്കാളിത്തം കൂടുതൽ ശക്തിപ്പെടുത്താനും കാത്തിരിക്കുന്നു.
