മുബൈ: നവി മുബൈയിലെ ഫ്ലാറ്റിലുണ്ടായ തീപിടിത്തത്തിൽ നാലുപേര്ക്ക് ദാരുണാന്ത്യം. മരിച്ചവരിൽ മൂന്ന് പേർ മലയാളികളാണ്. തിരുവനന്തപുരം സ്വദേശികളായ സുന്ദര് ബാലകൃഷ്ണൻ, ഭാര്യ പൂജ രാജൻ, ഇവരുടെ ആറു വയസുള്ള മകളായ വേദിക സുന്ദര് ബാലകൃഷ്ണൻ എന്നിവരാണ് മരിച്ച മലയാളികള്.
അര്ധരാത്രി 12.40ഓടെയാണ് തീപിടിത്തമുണ്ടായത്.ഷോര്ട്ട് സര്ക്യൂട്ട് മൂലം എസിയുടെ കംപ്രസര് പൊട്ടിത്തെറിച്ചതാണ് അപകടകാരണമെന്നാണ് പ്രാഥമിക നിഗമനം. വാഷിയിലെ എംജി കോംപ്ലക്സിലാണ് തീപിടിത്തമുണ്ടായത്.
ഫ്ലാറ്റിലെ പത്താം നില മുതൽ പന്ത്രണ്ടാം നിലവരെ തീപടര്ന്നു. നവി മുബൈയിൽ ടയര് വ്യാപാര സ്ഥാപനം നടത്തുന്ന രാജന്റെ മകൾ പൂജയും മരുമകനും കുഞ്ഞുമാണ് മരിച്ചത്. മൃതദേഹങ്ങള് വാഷിയിലെ ആശുപത്രിയിലേക്ക് മാറ്റി.
