വാഷിംഗ്ടൺ : ടെക്സസിൽ ദീപാവലി ആഘോഷത്തിന് ആതിഥേയത്വം വഹിച്ച് ഗവർണർ ഗ്രെഗ് ആബട്ട് . എല്ലാ വർഷവും, ഇന്ത്യൻ-അമേരിക്കൻ കൂട്ടായ്‌മ ദീപാവലി ആഘോഷിക്കാൻ ഒത്തുകൂടാറുണ്ട് . ഞായറാഴ്ച നടന്ന പരിപാടിയിൽ ഹ്യൂസ്റ്റൺ ഡി.സിയിലെ ഇന്ത്യൻ കോൺസൽ ജനറൽ മഞ്ജുനാഥ്, ഇന്ത്യൻ-അമേരിക്കൻ സമൂഹത്തിലെ പ്രമുഖ അംഗങ്ങൾ, തിരഞ്ഞെടുക്കപ്പെട്ട ഉദ്യോഗസ്ഥർ എന്നിവർ പങ്കെടുത്തു.
ഗവർണർ ആബട്ടും പ്രഥമ വനിത സിസിലിയ ആബട്ടും ചേർന്നാണ് വിളക്ക് തെളിയിച്ചത് . ആശംസകൾ നേർന്ന ഗവർണർ, സംസ്ഥാനത്തിന്റെ പുരോഗതിക്കും, നവീകരണത്തിനും, വൈവിധ്യത്തിനും ഇന്ത്യൻ-അമേരിക്കൻ സമൂഹം നൽകിയ സംഭാവനകളെ പ്രശംസിച്ചു. ഇന്ത്യൻ സംസ്കാരത്തിന് നൽകുന്ന തുടർച്ചയായ പിന്തുണയ്‌ക്കും അംഗീകാരത്തിനും ഗവർണർ ആബട്ടിന് കോൺസൽ ജനറൽ മഞ്ജുനാഥ് നന്ദി പറഞ്ഞു. ഇത്തരം പരിപാടികൾ ഇന്ത്യയും അമേരിക്കയും തമ്മിലുള്ള ധാരണയെ പ്രോത്സാഹിപ്പിക്കുകയും സൗഹൃദം ശക്തിപ്പെടുത്തുകയും ചെയ്യുന്നുവെന്ന് അദ്ദേഹം പറഞ്ഞു.
ദീപാവലി ആഘോഷങ്ങൾ ടെക്സസിലെ ഒരു വാർഷിക പാരമ്പര്യമായി മാറിയിരിക്കുന്നുവെന്നും ഇത് സംസ്ഥാനത്തിന്റെ എല്ലാവരെയും ഉൾക്കൊള്ളുന്ന മനോഭാവത്തെയും വിവിധ മേഖലകളിലെ ഇന്ത്യൻ-അമേരിക്കൻ സമൂഹത്തിന്റെ ഊർജ്ജസ്വലമായ സാന്നിധ്യത്തെയും പ്രകടമാക്കുന്നുണ്ടെന്നും കോൺസൽ ജനറൽ പറഞ്ഞു.
ഗവർണർ ആബട്ട് 2018 മുതൽ ദീപാവലി ആഘോഷങ്ങൾക്ക് ആതിഥേയത്വം വഹിക്കുന്നുണ്ട്.
