വയനാട് : പടിഞ്ഞാറത്തറ കാപ്പിക്കളത്ത് ഇടിമിന്നലേറ്റ് നാല് തൊഴിലുറപ്പ് തൊഴിലാളികള്ക്ക് പരിക്ക്. ഗിരിജ സുരേഷ് (31 ) രാധ (36) ലത (2 6 )നിഷ (44) എന്നിവര്ക്കാണ്
പരിക്കേറ്റത്.
ഒരാളുടെ കാലിന് നേരിയ പൊള്ളലേറ്റു.ശനിയാഴ്ച വൈകിട്ട് നാലു മണിയോടെയാണ് സംഭവം. ആരുടെയും പരിക്ക് ഗുരുതരമല്ല. മഴ പെയ്തപ്പോള് സമീപമുളള വീടിനകത്തേക്ക് കയറിയവര്ക്ക് വീടിന് ഉളളില് വച്ചാണ് മിന്നലേറ്റത്.
അതിനിടെ, തുലാവര്ഷം സംസ്ഥാനത്തെ മലയോര മേഖലകളില് തകര്ത്ത് പെയ്യുകയാണ്.ഉത്തര കേരളത്തില് പരക്കെ മഴ തുടരുകയാണ്. കോഴിക്കോട് നരിക്കുനിയില് ഇടിമിന്നലേറ്റ്പറപ്പാറ സ്വദേശിനി സുനീറ മരിച്ചു.
പാലക്കാട് കുറ്റനാട് ഇടിമിന്നലേറ്റ് യുവതിയ്ക്ക് പരിക്കേറ്റു. മലപ്പുറം വഴിക്കടവില് കലക്കന് പുഴ നിറഞ്ഞൊഴുകി കൃഷിയിടങ്ങള് വെള്ളം കയറി. പൂവത്തിപൊയിലില് കോഴി ഫാമില് വെള്ളം കയറി കോഴികള് ചത്തു. താമരശേരിയില് ഇടിമിന്നേറ്റ് വീട്ടുപകരണങ്ങള് കത്തി നശിച്ചു.
