കൊച്ചി: ഹിജാബ് വിവാദമുണ്ടായ എറണാകുളം പള്ളുരുത്തിയിലെ സെന്റ് റീത്താസ് സ്കൂളില് എത്തിയ ശേഷം ഹൈബി ഈഡന് എംപിവാര്ത്താമാധ്യമങ്ങളോട് പ്രതികരിച്ചതിന്റെ വീഡിയോ വൈറല്. ഹിജാബ് വിവാദമുണ്ടാക്കിയതും അതിന് എരിവേറ്റിയതും എസ് ഡിപിഐയുടെ നേതൃത്വത്തിലാണ്. പക്ഷെ ഹൈബി ഈഡന് എസ് ഡിപിഐയെക്കുറിച്ച് മൗനം പാലിക്കുന്നു എന്ന് മാത്രമല്ല, സംഘപരിവാര് ശക്തികളാണ് എല്ലാറ്റിനും പിന്നില് എന്ന് കുറ്റപ്പെടുത്തുകയും ചെയ്യുന്നു.
സ്കൂളിന് മുന്പിലൂടെ പോകുന്ന റോഡിന് സ്കൂളിന്റെ പേരായിരുന്നു ഉളളത്. ഇത് മാറ്റണമെന്ന് ആവശ്യപ്പെട്ട് നേരത്തെയും എസ് ഡിപിഐ പ്രവര്ത്തകരും സ്കൂള് അധികൃതരും തമ്മില് വാക്കേറ്റമുണ്ടായി. അതുവരെ യൂണിഫോം ധരിച്ച് വന്നിരുന്ന പെണ്കുട്ടി ഒരു സുപ്രഭാദത്തില് ഹിജാബ് ധരിച്ച് സ്കൂളില് വന്നതാണ് പ്രശ്നങ്ങളുടെ തുടക്കം. എന്നിട്ടും ഹൈബി ഈഡന് സംഘപരിവാറിനെതിരെ സംസാരിക്കുന്നത് എന്തുകൊണ്ടാണെന്നാണ് സോഷ്യല് മീഡിയയില് ചിലര് ഉയര്ത്തുന്ന പ്രതികരണം.
പിന്നീട് പെണ്കുട്ടി തന്നെ സ്കൂള് ജീവനക്കാര് തന്റെ ഹിജാബ് ഊരിമാറ്റിയതായി പറഞ്ഞതോടെയാണ് പിതാവും പുറത്തുനിന്നുള്ള എസ് ഡിപിഐ പ്രവര്ത്തകരും ഇടപെട്ടത്. ഹിജാബ് ധരിച്ച് വന്നതിന് തന്നെ സ്കൂള് അധികൃതര് പുറത്തുനിര്ത്തി എന്ന പെണ്കുട്ടിയുടെ പ്രതികരണവും കൂടിയായതോടെ എസ് ഡിപിഐ ശക്തികള് ശക്തമായി പ്രതികരിച്ചു. അവരുടെ പ്രതികരണം കണ്ട് സ്കൂളിലെ ജീവനക്കാര് അമ്പരന്നുപോയിരുന്നു. ഇതൊക്കെയാണ് സാഹചര്യങ്ങള് എന്നിരിക്കെ എന്തിനാണ് ഹൈബി ഈഡന് സംഘപരിവാറിനെ കുറ്റപ്പെടുത്തുന്നത്? ഹൈബി ഈഡിന് എസ് ഡിപിഐയെ പേടിയാണോ എന്നും ഹൈബി ഈഡന്റെ ഈ വീഡിയോ പങ്കുവെച്ചുകൊണ്ട് ചിലര് ചോദിക്കുന്നു.
