കൊട്ടാരക്കര: ദേവസ്വം ബോര്ഡ് സ്വര്ണ കൊള്ള വിഷയത്തില് പ്രതിഷേധവുമായി യുവമോര്ച്ച.ബുധനാഴ്ച ഉച്ച തിരിഞ്ഞ് മൂന്നു മണിയോടെയാണ് ദേവസ്വം ബോര്ഡ് സ്വര്ണ കൊള്ള വിഷയത്തില് പ്രതിഷേധവുമായി എത്തിയ യുവമോര്ച്ച ഈസ്റ്റ് ജില്ലാ പ്രവര്ത്തകര് പൊലീസിനെ വെട്ടിച്ചു കൊട്ടാരക്കര ദേവസ്വം ബോര്ഡ് എ സി ഓഫീസിലേക്ക് ഇരച്ചു കയറി പ്രതിഷേധിച്ചത്.
നിലത്ത് കുത്തിയിരുന്ന് ദേവസ്വം മന്ത്രി, ദേവസ്വം ബോര്ഡ് പ്രസിഡന്റ് എന്നിവര്ക്കെതിരെ മുദ്രാവാക്യം വിളിച്ചു പ്രതിഷേധിച്ചു.യുവമോര്ച്ചപ്രവര്ത്തകരെ നീക്കം ചെയ്യുന്നതിനിടെ ഒരു പ്രവര്ത്തകനെ പൊലീസ് മര്ദിച്ചതിനെ തുടര്ന്ന് പ്രവര്ത്തകരും പൊലീസും തമ്മില് വാക്ക് തര്ക്കവും ഉന്തും തള്ളും ഉണ്ടായി. പിന്നീട് കൂടുതല് പൊലീസ് എത്തി പ്രവര്ത്തകരെ പുറത്തെത്തിച്ചെങ്കിലും പ്രതിഷേധത്തില് നിന്നും പിന്തിരിയാന് പ്രവര്ത്തകര് തയാറായില്ല.
കൊട്ടാരക്കര എസ് എച് ഓ യുടെ നേതൃത്വത്തില് ദേവസ്വം അസിസ്റ്റന്റ് കമ്മീഷണറുടെ അഭാവത്തില് ഡ്യൂട്ടിയില് ഉണ്ടായിരുന്ന ഉദ്യോഗസ്ഥനുമായി കൂടി കാഴ്ച്ചക്ക് ശേഷമാണ് പ്രവര്ത്തകര് പിരിഞ്ഞു പോയത്.
