തിരുവനന്തപുരം: ശബരിമലയെ സംരക്ഷിക്കണമെന്ന് ആവശ്യപ്പെട്ട് ഹിന്ദു ഐക്യവേദി നാമജപ പ്രതിഷേധം നടത്തും. നാളെ മുതല് വരുന്ന ഞായറാഴ്ച വരെ ക്ഷേത്രങ്ങള് കേന്ദ്രീകരിച്ച് നാമജപ പ്രതിഷേധ പരിപാടി നടത്തും.
ദേവസ്വം ബോര്ഡ് രാജിവെക്കുക, ശബരിമലയുമായി ബന്ധപ്പെട്ടുയര്ന്ന വിവാദങ്ങളില് സിബിഐ അന്വേഷണം നടത്തുക തുടങ്ങിയ ആവശ്യങ്ങള് ഉന്നയിച്ചാണ് നാമജപ പ്രതിഷേധം നടത്തുക.. അതിനിടെ,ശബരിമലയിലെ ദ്വാരപാലക ശില്പങ്ങളില് സ്വര്ണം പൂശിയതുമായി ബന്ധപ്പെട്ട വിവാദത്തില് സ്പോണ്സറായ ഉണ്ണികൃഷ്ണന് പോറ്റിയെ ദേവസ്വം വിജിലന്സ് ചോദ്യം ചെയ്തു.
തിരുവനന്തപുരത്തെ ദേവസ്വം ആസ്ഥാനത്ത് ആയിരുന്നു ചോദ്യം ചെയ്യല്.നാല് മണിക്കൂറോളമാണ് ഉണ്ണികൃഷ്ണന് പോറ്റിയെ ചോദ്യം ചെയ്തത്.
