മുംബൈ: നവരാത്രിക്കാലത്തെ കടകളിലെ വില്പനയില് റെക്കോഡെന്ന് റിപ്പോര്‍ട്ടുകള്‍. 375 ഇനങ്ങള്‍ക്ക് നികുതി വെട്ടിക്കുറച്ചതോടെ കഴിഞ്ഞ 10 വര്‍ഷത്തെ കണക്കെടുത്താല്‍ ഏറ്റവും വലിയ വില്‍പനയാണ് നടന്നതെന്ന് പറയുന്നു.
കാര്‍ വില്‍ക്കുന്ന ഡിപ്പോകള്‍ തൊട്ട് ചില്ലറ വില്‍പനശാലകളില്‍ വരെ വന്‍തോതില്‍ വില്‍പന ഉണ്ടായി. വില കുറഞ്ഞതോടെ പലരും പുതിയ മോഡല്‍ കാറുകളിലേക്ക് മാറി. ഫ്രിഡ്ജ് ഉള്‍പ്പെടെയുള്ള വൈറ്റ് ഗുഡ്സുകളുടെ വില്‍പന വര്‍ധിച്ചു. വിവിധ മറ്റ് ഉപഭോക്തൃ ഉല്‍പന്നങ്ങളും ജനങ്ങള്‍ വാങ്ങിക്കൂട്ടി. ഇതോടെ വില്പനയില് റെക്കോഡാണ് രേഖപ്പെടുത്തിയത്.
മാരുതി ഈ ഉത്സവകാലത്ത് വിറ്റഴിച്ചത് രണ്ട് ലക്ഷം കാറുകള്‍
കാര്‍ വില കുറഞ്ഞതോടെ മാരുതി ഷോറൂമിന് ലഭിച്ചത് രണ്ട് ലക്ഷം ബുക്കിങ്ങാണ്. ടാറ്റാ മോട്ടോഴ്സ് 50,000 വാഹനങ്ങള്‍ വിറ്റഴിച്ചു. മഹീന്ദ്ര ആന്‍റ് മഹീന്ദ്രയുടെ ഉയര്‍ന്ന മോഡല്‍ കാറുകളായ എക്സ് യുവി 700, സ്കോര്‍പിയോ എന്‍ വില്‍പന എന്നിവയുടെ വില്പനയില് 60 ശതമാനം കുതിപ്പുണ്ടായി. ഹ്യൂണ്ടായിക്കും വന്‍ വില്‍പനകുതിപ്പുണ്ടായി. ഹ്യുണ്ടായുടെ ക്രെറ്റ, വെന്യൂ എന്നീ കാറുകളുടെ വില്പനയില് കുതിപ്പുണ്ടായി.
എല്‍ജി, ഹെയര്‍, സാംസങ്ങ് വില്‍പന ഇരട്ടിയായി
എല്‍ജി, ഹെയര്‍, സാംസങ്ങ് എന്ന ഗൃഹോപകരണബ്രാന്‍റുകളുടെ വില്‍പന നേരെ ഇരട്ടിയായി.
ഭക്ഷ്യോല്‍പന്നങ്ങള്‍, നിത്യോപയോഗസാധനങ്ങള്‍ , ഫ്രിജ്ഡ് , വാഷിംഗ് മെഷീനുകള്‍ പോലുള്ള വൈറ്റ് ഗുഡ്സുകള്‍ എന്നിവയ്‌ക്ക് കേന്ദ്രവും സംസ്ഥാനങ്ങളും ജിഎസ് ടി നിരക്കുകള്‍ കുറച്ചിരുന്നു. ആഡംബരവസ്തുക്കള്‍ക്കും പുകയില ഒഴികെയുള്ള നിയമനിയന്ത്രണമുള്ള വസ്തുക്കള്‍ക്കും വരെ നികുതി കുറച്ചിരുന്നു. പരോക്ഷ നികുതി ലളിതമാക്കിയതിന്റെ ലക്ഷ്യം ഉപഭോഗം വര്‍ധിപ്പിക്കുക എന്നതാണ്. സര്‍ക്കാരിന്റെ നികുതി വരുമാനത്തെ അല്‍പം ബാധിക്കുമെങ്കിലും ഇത് വന്‍തോതില്‍ ഉപകാരപ്പെടും.
“ഉപഭോഗത്തെ ആസ്പദമാക്കി കുതിക്കുന്ന ഇന്ത്യയുടെ സമ്പദ്ഘടനയ്‌ക്ക് ജിഎസ് ടി നിരക്കുകള്‍ ഉദാരമാക്കിയതോടെ വന്‍കുതിപ്പാണ് ഉണ്ടായത്. ബ്രാന്‍റുകള്‍ക്ക് മാത്രമല്ല, സാധാരണ കടകള്‍ക്ക് വരെ വില്പനയില് 25 ശതമാനം മുതല്‍ 100 ശതമാനം വരെ കുതിപ്പുണ്ടായി”- സര്‍ക്കാര്‍ ഉദ്യോഗസ്ഥര്‍ പറയുന്നു.
ജിഎസ്ടി കുറയ്‌ക്കുന്നതായി മോദി പ്രഖ്യാപിച്ചപ്പോള്‍ ബിസിനസുകാര്‍ ആദ്യം വിമര്‍ശിച്ചു
ഏകദേശം 375 ഉല്‍പന്നങ്ങള്‍ക്ക് ജിഎസ് ടി കുറയ്‌ക്കുന്നതായി പ്രധാനമന്ത്രി മോദി പ്രഖ്യാപിച്ചപ്പോള്‍ ബിസിനസുകാരെല്ലാം തുടക്കത്തില്‍ സര്‍ക്കാരിനെ വിമര്‍ശിച്ചിരുന്നു. അവരുടെ വരുമാനം കുറയുമെന്നതായിരുന്നു ആശങ്ക. ആഗസ്ത് മാസത്തിലെ വില്‍പന (സെപ്തംബറിലെ റെക്കോഡ് ചെയ്തത്) ഒമ്പത് ശതമാനമായി ഉയര്‍ന്നിരുന്നു. കഴിഞ്ഞ നാല് മാസത്തിലെ ഏറ്റവും ഉയര്‍ന്ന വില്‍പനയായിരുന്നു ഇത്.
ജിഎസ് ടി കുറച്ചതിന്റെ മെച്ചം ഉപഭോക്താക്കള്‍ക്ക് കൈമാറണമെന്ന് സര്‍ക്കാര്‍ ബിസിനസുകാരുടെ മേല്‍ നിര്‍ബന്ധം ചെലുത്തിയിരുന്നു.
