കൊച്ചി : ആർ.എസ്.എസ്സിനെ ആദരിച്ച് പുറത്തിറക്കിയ നാണയവും സ്റ്റാമ്പും ഉടൻ പിൻവലിക്കണമെന്ന് എസ്ഡി പിഐ . ആർ എസ് എസിനെ മഹത്വവൽക്കരിക്കുന്നത് അവസാനിപ്പിക്കണമെന്നും എസ് ഡി പി ഐ ദേശീയ വൈസ് പ്രസിഡന്റ് മുഹമ്മദ് ഷെഫി പങ്ക് വച്ച് പോസ്റ്റിൽ പറയുന്നു.
ഇത്തരമൊരു സംഘടനയെ ആദരിക്കുന്നത്, അസംഖ്യം ഇന്ത്യക്കാർ ജീവൻ ബലിയർപ്പിച്ച സ്വാതന്ത്ര്യം, സമത്വം, നീതി എന്നീ മൂല്യങ്ങളെ തകർക്കുന്നതിന് തുല്യമാണ്.ഈ നടപടി രാജ്യത്തിന് നാണക്കേടും ഇന്ത്യൻ ജനാധിപത്യത്തിനും മതേതരത്വത്തിനും നേരെയുള്ള അനാദരവുമാണ് എന്നാണ് എസ് ഡി പി ഐയുടെ മുറവിളി.
കഴിഞ്ഞ ദിവസം ഇതേ ആവശ്യം ഉന്നയിച്ച് മുഖ്യമന്ത്രി പിണറായി വിജയനും രംഗത്തെത്തിയിരുന്നു. ആർ.എസ്.എസ്സിനെ ആദരിച്ച് പുറത്തിറക്കിയ നാണയവും സ്റ്റാമ്പും അംഗീകരിക്കാനാകില്ലെന്നായിരുന്നു പിണറായിയുടെ പ്രസ്താവന.
