കണ്ണൂര്: കെ പി മോഹനന് എംഎല്എയെ കയ്യേറ്റം ചെയ്ത സംഭവത്തില് 20 ഓളം പേര്ക്കെതിരെ സ്വമേധയാകേസെടുത്ത് പൊലീസ് .സ്ത്രീകള് ഉള്പ്പെടെ ഉളളവര്ക്കെതിരെയാണ് കേസെടുത്തത്. ചൊക്ലി പൊലീസാണ് കേസെടുത്തത്.
സംഘം ചേര്ന്ന് തടഞ്ഞുവെച്ചു എന്ന കുറ്റമാണ് ചുമത്തിയത്.പരാതി നല്കില്ലെന്ന നിലപാടാണ് കെ പി മോഹനന് എംഎല്എ സ്വീകരിച്ചത്. പെരിങ്ങത്തൂര് കരിയാട് വെച്ചാണ് കൂച്ചുപറമ്പ് എം എല് എയെ കയ്യേറ്റം ചെയ്തത്.
മാലിന്യ പ്രശ്നം പരിഹരിക്കാത്തതില് പ്രതിഷേധിച്ചാണ് പെരിങ്ങത്തൂരില് അങ്കണവാടി ഉദ്ഘാടനത്തിനെത്തിയ എം എല് എയെ നാട്ടുകാര് കയ്യേറ്റം ചെയ്തത്.പ്രതിഷേധക്കാര്ക്കിടയിലൂടെ എംഎല്എ നടന്ന് പോയപ്പോഴായിരുന്നു കയ്യേറ്റം.മാസങ്ങളായി ഈ പ്രദേശത്ത് ഒരു ഡയാലിസിസ് സെന്റര് പ്രവര്ത്തിക്കുന്നുണ്ട്.ഇവിടുന്നുളള മാലിന്യങ്ങള് കിണറുകളിലേക്ക് എത്തുന്ന പ്രശ്നം ഉന്നയിച്ച് നാട്ടുകാര് പ്രതിഷേധം നടത്തിവരികയായിരുന്നു.
