ന്യൂദല്ഹി:കുടുംബരാഷ്ട്രീയവും നെപോകിഡുകളും കാരണമാണ് ലോകത്ത് മുഴുവന് കലാപങ്ങളുണ്ടാകുന്നതെന്ന കോണ്ഗ്രസ് വക്താവ് മനീഷ് തിവാരിയുടെ പ്രസ്താവന വിവാദമായി. ഇതോടെ ആരാണ് ഇന്ത്യന് രാഷ്ടീയത്തിലെ നെപോ കിഡുകള് എന്ന ചോദ്യം വ്യാപകമായി ഇന്ത്യയില് ചര്ച്ച ചെയ്യപ്പെടുകയാണ്.
മനീഷ് തിവാരിയുടെ വിമര്ശനം കോണ്ഗ്രസിലെ നെപോകിഡുകളായ രാഹുല് ഗാന്ധിയെയും പ്രിയങ്ക ഗാന്ധിയെയും കുറിച്ചാണെന്ന വിമര്ശനം ഉയരുന്നുണ്ട്. നേരത്തെ ജി-23 നേതാക്കള്ക്കൊപ്പം ഗാന്ധി കുടുംബവാഴ്ചയെ പരോക്ഷമായി ചോദ്യം ചെയ്ത നേതാവ് കൂടിയാണ് മനീഷ് തിവാരി. ഇതോടെ മനീഷ് തിവാരി പ്രതിരോധത്തിലായിരിക്കുകയാണ്.
നെപോ കിഡ് (Nepo Kid) എന്ന വാക്ക് ഏറ്റവും കൂടുതല് ഉയര്ന്ന് കേട്ടത് നേപ്പാളിലെ ജെന് സീ കലാപകാലത്താണ്. സമ്പന്നജീവിതം നയിക്കുന്ന നേപ്പാളിലെ രാഷ്ട്രീയ നേതാക്കളുടെ മക്കളെയാണ് നെപ്പോ കിഡ് സ് എന്ന് നേപ്പാളിലെ സമരക്കാരായ കൗമാരക്കാര് വിളിച്ചിരുന്നു. ഇവര് ആഡംബരവാഹനങ്ങള് ഉപയോഗിക്കുന്നു, വിദേശ രാജ്യങ്ങളില് വിനോദയാത്രകള് നടത്തുന്നു…പൊതുവേ ആഡംബര ജീവിതം നയിക്കുന്നു. ഇതാണ് നേപ്പാളിലെ കൗമാരക്കാരെ സര്ക്കാരിനെതിരെ കലാപത്തിന് പ്രേരിപ്പിച്ചത്. ഇവര്ക്കെതിരെക്കൂടിയാണ് തങ്ങളുടെ സമരം എന്നാണ് നേപ്പാളിലെ കലാപകാരികള് അവകാശപ്പെട്ടിരുന്നത്.
നേപ്പാള്, ബംഗ്ലാദേശ്, ശ്രീലങ്ക എന്നിവിടങ്ങളിലെല്ലാം കലാപമുണ്ടായത് നെപോ കിഡുകളും കുടുംബരാഷ്ടീയവും കാരണമാണെന്നും അത് എവിടെയുണ്ടോ അവിടെ കലാപമുണ്ടാകുമെന്നും കഴിഞ്ഞ ദിവസം കോണ്ഗ്രസ് നേതാവ് മനീഷ് തിവാരി പറഞ്ഞിരുന്നു. ഇതോടെ ഇന്ത്യയിലെ നെപോ കിഡുകളെ തിരയുകയാണ് മാധ്യമങ്ങള്.
ഇന്ത്യയില് നെപോ കിഡുകള് എന്ന് വിളിക്കാവുന്ന ക്ലാസിക് ഉദാഹരണങ്ങള് രാഹുല് ഗാന്ധിയും പ്രിയങ്ക ഗാന്ധിയും ആണെന്ന് പറയുന്നു. യാതൊരു രാഷ്ടീയ പാരമ്പര്യവുമില്ലാത്ത ഇവര് കോണ്ഗ്രസ് എന്ന 140 വര്ഷം പഴക്കമുള്ള പാര്ട്ടിയില് കഴിവുറ്റ സീനിയര് നേതാക്കളെ മുഴുവന് തഴഞ്ഞ് സോണിയാ-രാജീവ് ഗാന്ധി മക്കള് എന്ന ഒറ്റ യോഗ്യതയുടെ പേരില് ഇവര് പാര്ട്ടിയുടെ തലപ്പത്തെത്തുകയാണ്. ഇവര് സ്വകാര്യമായി ആഡംബര ജീവിതം നയിക്കുകയും ചെയ്യുന്നു. ജി23 എന്ന പേരില് കോണ്ഗ്രസ് പുറത്താക്കിയ സീനിയര് നേതാക്കള് കോണ്ഗ്രസിന്റെ തലപ്പത്തെത്താന് യോഗ്യത ഉള്ളവരായിരുന്നു. പക്ഷെ ഇവരെ എല്ലാവരെയും രാഹുല് ഗാന്ധിയെ പാര്ട്ടിയുടെ തലപ്പത്തെത്തിക്കാന് സോണിയാഗാന്ധി പുറത്താക്കുകയായിരുന്നു.
അതിനാല് ഈ നെപോകിഡുകള്ക്കെതിരെയാണ് ആദ്യം കലാപം വേണ്ടതെന്ന അഭിപ്രായവും ഉയരുകയാണ്. ഇത് മനീഷ് തിവാരിയെ കൂടുതല് വെട്ടിലാക്കിയിരിക്കുകയാണ്. സ്ഥാനലബ്ധി കിട്ടാതെ തഴയപ്പെട്ട മിടുക്കരായ കോണ്ഗ്രസ് നേതാക്കളെയാണ് മോദി പല സംസ്ഥാനങ്ങളിലും കേന്ദ്രഭരണത്തിന്റെ താക്കോല് സ്ഥാനങ്ങളിലും മോദി കൊണ്ടുപോയി ഇരുത്തിയത്. അസമിലെ മുഖ്യമന്ത്രി ഹിമന്ത ബിശ്വ ശര്മമ, മധ്യപ്രദേശിലെ ജ്യോതിരാദിത്യ സിന്ധ്യ തുടങ്ങിയവര് പ്രത്യക്ഷ ഉദാഹരണങ്ങള് ആണ്.
മോദിയോ അമിത് ഷായോ രാജ് നാഥ് സിങ്ങോ ഒന്നും നെപോകിഡുകളായി ബിജെപിയില് ഉയര്ന്നുവന്നവരല്ല. താഴേ തട്ടില് കഠിനമായി അധ്വാനിച്ച് പടിപടിയായി ഉയര്ന്നു വന്നവരാണ്. ബീഹാറിലെ ലാലുപ്രസാദ് യാദവിന്റെ മകന് തേജസ്വി യാദവ്, തമിഴ്നാട്ടില് സ്റ്റാലിന്റെ മകന് ഉദയനിധി സ്റ്റാലിന് എന്നിവരും ഇന്ത്യന് രാഷ്ട്രീയത്തിലെ നെപോകിഡുകള് ആണ്.
