പന്തളം: ശബരിമലയില് വിശ്വാസത്തിലൂന്നിയുള്ള വികസനമാണ് വേണ്ടതെന്ന് ശബരിമല കര്മസമതി ചെയര്പേഴ്സണ് കെ.പി. ശശികല ടീച്ചര്. ശബരിമല സംരക്ഷണ സംഗമ സെമിനാറിന്റെ ഉദ്ഘാടന സഭയില് അധ്യക്ഷ പ്രസംഗം നടത്തുകയായിരുന്നു ടീച്ചര്. വര്ധിച്ചുവരുന്ന അയ്യപ്പ ഭക്തര്ക്ക് ആചാരലംഘനം ഉണ്ടാകാത്ത രീതിയില് ദര്ശനം ഉറപ്പാക്കുന്ന വികസനം ഉണ്ടാകണം. വിശ്വാസത്തെ നശിപ്പിച്ചു കൊണ്ടുള്ള വികസനം ശബരിമലക്ക് ആവശ്യമില്ല. ക്ഷേത്രത്തിന്റെയും ഭക്തരുടെയെ സുരക്ഷയും പ്രധാനമാണ്. ആചാരലംഘനം വരാതെവേണം ഇതെല്ലാം നടപ്പാക്കേണ്ടത്.സനാതന ധര്മത്തെ നശിപ്പിക്കാന് പ്രതിജ്ഞ ചെയ്തവര് ലക്ഷ്യമിടുന്നത് മഹാക്ഷേത്രങ്ങളേയും ആചാര്യന്മാരേയുമാണ്. ഇത് ഇന്നും ഇന്നലെയും തുടങ്ങിയതല്ല.
സനാതന ധര്മം നൂതനവും ശാശ്വതവുമാണ്. എതിര്ക്കുന്നവരെ പോലും സ്വീകരിപ്പിക്കുന്നതാണ് സനാതന ധര്മത്തിന്റെ ശക്തി. അതാണ് മുഖ്യമന്ത്രി പമ്പയില് എത്തി നിലവിളക്ക് തെളിയിച്ച് ഗീതാ ശ്ലോകം ഉരുവിട്ടതില് തെളിയുന്നതെന്നും ശശികല ടീച്ചര് പറഞ്ഞു.
