കൊച്ചി : നിയമപരമായി ഇന്ത്യയിലെ സ്ത്രീകൾക്ക് തുല്യത കുറവുമൊന്നുമില്ലെന്നും, മലേഷ്യൻ പ്രധാനമന്ത്രി അതോർത്ത് ബേജാർ ആകേണ്ടെന്നും ഹിന്ദു ഐക്യവേദി നേതാവ് പി കെ ശശികല ടീച്ചർ. സ്ത്രീകള്‍ക്ക് തുല്ല്യ അവകാശങ്ങള്‍ പ്രധാനം ചെയ്യുന്ന രാജ്യമാണ് മലേഷ്യയെന്നും , ഇന്ത്യയിലും അങ്ങനെയാകണമെന്ന മലേഷ്യന്‍ പ്രധാനമന്ത്രി അന്‍വര്‍ ഇബ്രാഹിമിന്റെ പ്രസ്താവനയോട് പ്രതികരിക്കുകയായിരുന്നു അവർ.
കാന്തപുരത്തിന്റെ സമ്മതം വാങ്ങിയല്ല ഈ നാട് മുത്തലാഖ് നിരോധിച്ചത് . സ്ത്രീയെ ആദി പരാശക്തിയായി ആരാധിക്കുന്ന നാടാണിത് . അവൾക്ക് പൊതുരംഗത്ത് വരാനും ബഹിരാകാശത്ത് പോകാനും ആരുടെയും ഫത്വ തടസ്സമല്ല . ആക്ടിവിസ്റ്റുകൾ പറയുന്നതുപോലെ അടുക്കള വിട്ട് അരങ്ങത്തേക്ക് ഓടാനോ മുസലിയാര് പറയുന്നതുപോലെ അരങ്ങുവിട്ട് അടുക്കളയിലേക്ക് ഓടാനോ ഉള്ളവളല്ല ഇന്ത്യൻ സ്ത്രീയെന്നും ശശികല ടീച്ചർ പറയുന്നു.
‘ അല്ല ഈ ചങ്ങാതി ആരാ?
ഇന്ത്യയിലെ സ്ത്രീകളെപ്പറ്റി ഇങ്ങേരെന്തിനാ തല പുണ്ണാക്കുന്നത്?
ഇയാളും കാന്തപുരവും കൂടിയാണോ ഇന്ത്യയിലെ സ്ത്രീകളുടെ അവകാശങ്ങൾ നിശ്ചയിക്കുന്നത്!?
ഇന്ത്യ ഒരു രാഷ്‌ട്രമാണ്
ഇവിടെ ഒരു ഭരണഘടനയുണ്ട്
ഭരണകൂടവുമുണ്ട്!
നിയമപരമായി ഇവിടുത്തെ സ്ത്രീകൾക്ക് ഒരു തുല്യത കുറവുമില്ല.
മലേഷ്യൻ പ്രധാനമന്ത്രി അതോർത്ത് ബേജാർ ആകണ്ട!
കാന്തപുരത്തിന്റെ സമ്മതം വാങ്ങിയല്ല ഈ നാട് മുത്തലാഖ് നിരോധിച്ചത്!
കാന്തപുരം ഇന്ത്യ ഗവൺമെന്റിന്റെ ഗ്രാൻഡ് മുഫ്തി അല്ല എന്ന് ഈ മലേഷ്യൻ മുതലിനോട് ആരെങ്കിലും
ഒന്നു പറയാമോ?
സ്ത്രീയെ ആദി പരാശക്തിയായി ആരാധിക്കുന്ന നാടാണിത്!
അവൾക്ക് പൊതുരംഗത്ത് വരാനും ബഹിരാകാശത്ത് പോകാനും ആരുടെയും ഫത്വ തടസ്സമല്ല!
ആക്ടിവിസ്റ്റുകൾ പറയുന്നതുപോലെ അടുക്കള വിട്ട് അരങ്ങത്തേക്ക് ഓടാനോ
മുസലിയാര് പറയുന്നതുപോലെ അരങ്ങുവിട്ട് അടുക്കളയിലേക്ക് ഓടാനോ
ഉള്ളവളല്ല ഇന്ത്യൻ സ്ത്രീ!!
അടുക്കളയിലും അരങ്ങിലും ഒരുപോലെ തിളങ്ങാൻ ശേഷിയുള്ളവളാണ് അവൾ‘ എന്നാണ് ശശികല ടീച്ചറിന്റെ വാക്കുകൾ.
