പന്തളം: ശബരിമല ആചാരാനുഷ്ഠാനങ്ങളെയും വിശ്വാസത്തെയും തകര്‍ക്കാന്‍ ബോധപൂര്‍വ ശ്രമം നടക്കുന്നതായി വാഴൂര്‍ തീര്‍ത്ഥപാദാശ്രമം മഠാധിപതി സ്വാമി പ്രഞ്ജാനാനന്ദ തീര്‍ത്ഥപാദര്‍. ശബരിമല സംരക്ഷണ സംഗമത്തിന്റെ പ്രാരംഭ സഭ ഉദ്ഘാടനം ചെയ്യുകയായിരുന്നു അദ്ദേഹം.
അയ്യപ്പ വിശ്വാസത്തെ മുറുകെപ്പിടിച്ചു മുന്നോട്ടു പോകുന്ന ഓരോ ഭക്തനും അയ്യപ്പന്റെ പൂര്‍ണ പിന്തുണയുണ്ടാകുന്നു. ഇതു ഭക്തരുടെ ജീവിതത്തില്‍ പ്രകടമാണ്. പരിപൂര്‍ണ ആചാരനുഷ്ഠാന സംരക്ഷണ പ്രതിജ്ഞ എടുക്കാന്‍ ഭക്തര്‍ക്കു സാധിക്കണമെന്നും അദ്ദേഹം പറഞ്ഞു.
