കൊച്ചി: പുറത്തുനിന്നുള്ള ഭക്ഷണ പാനീയങ്ങള്‍ മള്‍ട്ടിപ്ലക്സുകളില്‍ അനുവദനീയമല്ലെങ്കില്‍ സൗജന്യ കുടിവെള്ള ലഭ്യത ഉറപ്പാക്കണമെന്ന് ഉപഭോക്തൃ കോടതി ഉത്തരവ്. കൊച്ചിയിലെ പിവിആര്‍ സിനിമാസിനാണ് എറണാകുളം ജില്ലാ ഉപഭോക്തൃ തര്‍ക്ക പരിഹാര കോടതിയുടെ നിര്‍ദേശം. കോഴിക്കോട് സ്വദേശി ശ്രീകാന്ത് നല്‍കിയ പരാതിയിലാണ് കോടതി ഉത്തരവ് പുറപ്പെടുവിച്ചത്
പുറത്തുനിന്ന് ഭക്ഷണപാനീയങ്ങള്‍ അനുവദിക്കാതിരിക്കുകയും സൗജന്യമായി കുടിവെള്ളം നല്‍കാതിരിക്കുകയും ചെയ്യുന്നത് തിയേറ്റര്‍ ഉടമകളുടെ വീഴ്ചയായി കണക്കാക്കി നടപടിയെടുക്കുമെന്ന് ഉത്തരവില്‍ പറയുന്നുണ്ട്.
2022 ഏപ്രിലില്‍ കൊച്ചിയിലെ ഒരു പ്രമുഖ ഷോപ്പിംഗ് മാളില്‍ പരാതിക്കാരന്‍ സിനിമ കാണാനെത്തി. എന്നാല്‍ പുറത്തുനിന്ന് പാനീയം കൊണ്ടുവന്നത് തിയേറ്റര്‍ അധികൃതര്‍ തടഞ്ഞു. ഈ സംഭവത്തെ തുടര്‍ന്നാണ് ഇയാള്‍ പരാതി സമര്‍പ്പിച്ചത്.
