വയനാട് : സിദ്ധാര്ഥന്റെ മരണവുമായി ബന്ധപ്പെട്ട കേസില് പൂക്കോട് വെറ്ററിനറി സര്വകലാശാല ഡീന് ഡോ.എം.കെ.നാരായണന് തരം താഴ്ത്തലോടുകൂടി സ്ഥലംമാറ്റം.ഡീന് പദവിയില് നിന്ന് തരംതാഴ്ത്തി പ്രൊഫസറായി സ്ഥലം മാറ്റി നിയമിക്കും.
അസിസ്റ്റന്റ് വാര്ഡന് കാന്തനാഥനെയും സ്ഥലം മാറ്റി. കാന്തനാഥന്റെ രണ്ടു വര്ഷത്തെ പ്രമോഷനും തടയും.
ബോര്ഡ് ഓഫ് മാനേജ്മെന്റാണ് ഇതുസംബന്ധിച്ച തീരുമാനമെടുത്തത്. ഇരുവരുടെയും വാദം കേട്ട ശേഷമാണ് നടപടി. എം.കെ.നാരായണനെ മണ്ണുത്തി വെറ്ററിനറി കോളേജിലേക്ക് മാറ്റും. കാന്തനാഥനെ തിരുവാഴാംകുന്ന് പൗള്ട്രി കോളജിലേക്കാണ് സ്ഥലം മാറ്റുന്നത്.
നാരായണനെ തരം താഴ്ത്താനും മൂന്നുവര്ഷത്തേക്ക് ഭരണപരമായ ചുമതലകള് നല്കേണ്ടെന്നും തീരുമാനമായി. 2024 ഫെബ്രുവരി 18 നാണ് തിരുവനന്തപുരം സ്വദേശി സിദ്ധാര്ഥനെ പൂക്കോട് വെറ്ററിനറി കോളജിലെ ഹോസ്റ്റലിലെ ശുചിമുറിയില് മരിച്ച നിലയില് കണ്ടെത്തിയത്.
