മുംബൈ: ആഗോളകപ്പല്ഗതാഗത പദ്ധതിയില് ഇന്ത്യയെ ഒരു പ്രധാന ശക്തിയാക്കി ഉയര്ത്തുക എന്ന ലക്ഷ്യത്തോടെ മോദി സര്ക്കാര് തയ്യാറാക്കിയ ഗ്രേറ്റ് നിക്കോബര് എന്ന 80000 കോടി രൂപയുടെ പദ്ധതിയെ തകര്ക്കാന് കോണ്ഗ്രസ് നേതാവ് സോണിയാഗാന്ധി. ഷോംപെന് എന്ന ഗോത്രവര്ഗ്ഗത്തെ ഈ പദ്ധതി നശിപ്പിക്കുമെന്ന ആശങ്ക ഉയര്ത്തിയാണ് സോണിയ ഈ പദ്ധതിക്കെതിരെ രംഗത്തെത്തിയിരിക്കുന്നത്.
വാസ്തവത്തില് ഷോംപെന് എന്ന ഗോത്രവര്ഗ്ഗം നൂറു പേര് മാത്രമാണ് ഇവിടെയുള്ളത്.ഒരു കാലത്ത് ഇവര് 230 പേര് വരെ ഇവിടെ ഉണ്ടായിരുന്നു. ഈ ഗോത്രവര്ഗ്ഗത്തെ സംരക്ഷിച്ചുകൊണ്ട് മാത്രമേ ഈ പദ്ധതി നടപ്പാക്കൂ എന്ന് മോദി സര്ക്കാര് പ്രഖ്യാപിച്ചിട്ടുള്ളതാണ്. 30,000 വര്ഷമായി ഈ വര്ഗ്ഗം അവിടെയുണ്ട്. അതിനിടയിലാണ് ഇവരെക്കുറിച്ച് ആശങ്ക പ്രകടിപ്പിച്ച് പൊടുന്ന സോണിയാഗാന്ധി ഈ പദ്ധതിക്കെതിരെ ചാടിവീണിരിക്കുന്നത്. മറ്റൊരു കൂട്ടര് ഗ്രേറ്റ് നിക്കോബാറീസ് എന്ന മറ്റൊരു വിഭാഗം 10000 കൊല്ലമായി ഇവിടെയുണ്ട്. ഇവര് ആകെയുള്ളത് ആയിരം പേരാണ്. ഇതുകൂടാതെ 4000 പേര് അവിടെ ചെന്ന് താമസമാക്കിയിട്ടുണ്ട്. അവര് ഈ ഗോത്രവര്ഗ്ഗക്കാരുടെ ജീവിതവുമായി ബന്ധപ്പെടാറുമില്ല.
തന്ത്രപരമായ ലക്ഷ്യത്തോടെ അടിസ്ഥാന സൗകര്യവികസനം ഗ്രേറ്റ് നിക്കോബാറില് ആരംഭിച്ചത് സോണിഗാന്ധി കേന്ദ്രഭരണം നിയന്തിച്ച യുപിഎ ഭരണകാലത്താണ്. 2012 ജൂലായ് 31ന് ഗ്രേറ്റ് നിക്കോബാറിലെ കാംപെല് ബേയില് നാവികസേനയുടെ ഒരു എയര്ബേസ് സ്ഥാപിച്ചത് സോണിയയുടെ സമ്മതത്തോടെയാണ്. അതിന് ശേഷം ഒരു ദശകം കഴിഞ്ഞാണ് മോദി സര്ക്കാര് ഇപ്പോള് വീണ്ടും തന്ത്രപരമായ ദൗത്യത്തോടെ ഗ്രേറ്റ് നിക്കോബാറില് ഒരു ട്രാന്സ് ഷിപ് മെന്റ് കണ്ടെയ്നര് ടെര്മിനല് ഉള്പ്പെടെ 80000 കോടിയുടെ പദ്ധതി നടപ്പാക്കാന് പോകുന്നത്. ഇതില് ഒരു വിമാനത്താവളം, ടൗണ്ഷിപ്പ് എന്നിവയും ഉദ്ദേശിക്കുന്നു.
ചൈനയുടെ ചരക്കിന്റെ 60 ശതമാനവും കടന്നുപോകുന്ന മലാക്ക കടലിടുക്ക് ഗ്രേറ്റ് നിക്കോബാറിനടുത്താണ്. ചരക്കുകപ്പലുകള് തിക്കിത്തിരക്കുന്ന ഇടമാണ് മലാക്ക കടലിടുക്ക്. ഇത് പ്രയോജനപ്പെടുത്തി ചരക്ക് കപ്പലുകള്ക്ക് അവരുടെ കണ്ടെയ്നറുകള് ഇറക്കി മറ്റ് ചരക്ക് കപ്പലുകളില് കയറ്റി അയയ്ക്കുന്നത് സാധ്യമാക്കുന്ന ട്രാന്സ് ഷിപ്മെന്റ് കണ്ടെയ്നര് ടെര്മിനലാണ് ഇവിടെ ആരംഭിക്കാന് പോകുന്നത്. ഇത് ഇന്ത്യയ്ക്ക് വലിയ അനുഗ്രഹമാകും. ഭാവിയില് ഇന്ത്യയുടെ ചരക്ക് കപ്പല് ഗതാഗതത്തില് വലിയൊരു അനുഗ്രഹമായി ഈ ട്രാന്സ് ഷിപ്മെന്റ് കണ്ടെയ്നര് ടെര്മിനല് മാറും. ഇന്ത്യാസമുദത്തില് സാമുദ്രിക നിരീക്ഷണം ശക്തമാക്കാനും ഗ്രേറ്റര് നിക്കോബാറിലെ കേന്ദ്രം ഇന്ത്യന് നാവികസേനയ്ക്ക് സഹായകരമാകും. അതിനെ തകര്ക്കാനാണ് ഇപ്പോള് ഗോത്രവംശനാശം എന്ന ഭീഷണി ഉയര്ത്തി പൊടുന്ന സോണിയാഗാന്ധി രംഗപ്രവേശം ചെയ്തിരിക്കുന്നത്.
ഏതാനും വര്ഷങ്ങള്ക്കുള്ളില് ഇവിടെ ഇന്ത്യയുടെ മൂന്ന് സേനകളുടെയും സംയുക്ത ആസ്ഥാനമാക്കി ഇവിടം മാറ്റാനും കേന്ദ്രസര്ക്കാരിന് പദ്ധതിയുണ്ട്. കാരണം ഈ പ്രദേശത്തിന്റെ തന്ത്രപ്രാധാന്യം തന്നെയാണ് അതിന് കാരണം. ഗ്രേറ്റ് നിക്കോബാറില് ട്രാന്സ് ഷിപ്മെന്റ് കണ്ടെയ്നര് ടെര്മിനല് ഇന്ത്യ സ്ഥാപിച്ചാല് ചൈനയുടെയും അമേരിക്കയുടെയും മലാക്കാ കടലിടുക്കിലൂടെയും സോയൂസ് കനാലിലൂടെയും ഉള്ള കപ്പല്ചരക്ക് ഗതാഗതരംഗത്തെ മേധാവിത്വത്തിന് വെല്ലുവിളിയാകും. ഇതാണോ സോണിയാഗാന്ധിയുടെ പൊടുന്നനെയുള്ള ഗോത്രപ്രേമത്തിന് പിന്നില്?
