ന്യൂദല്‍ഹി: തടങ്കലില്‍ വെച്ച പ്രിയങ്ക ഗാന്ധിയെയും രാഹുല്‍ ഗാന്ധിയെയും കാണാന്‍ പൊലീസ് സ്റ്റേഷനിലേക്ക് എത്തി സോണിയാഗാന്ധിയുടെ നാടകം. ഇരുവരെയും പാര്‍പ്പിച്ച ദല്‍ഹിയിലെ മന്ദിര്‍ മാര്‍ഗ് പൊലീസ് സ്റ്റേഷനിലേക്കാണ് സോണിയാഗാന്ധി എത്തിയത്. ജനങ്ങളുടെ വികാരം അനുകൂലമാക്കാനായിരുന്നു സോണിയയുടെ ഈ പൊലീസ് സ്റ്റേഷന്‍ സന്ദര്‍ശനം. രാഹുല്‍ ഗാന്ധിയും പ്രിയങ്കഗാന്ധിയും മറ്റ് കോണ്‍ഗ്രസ് നേതാക്കളെയും വിളിച്ചുവരുത്തി പ്രധാനമന്ത്രിയുടെ വസതിക്ക് മുന്‍പില്‍ പ്രധാനമന്ത്രിയുടെ രാജി ആവശ്യപ്പെട്ട് സമരം തുടങ്ങിയതോടെയാണ് ഇവര്‍ കലാപത്തിലേക്ക് നീങ്ങാനാണ് ഒരുങ്ങുന്നതെന്ന് മനസ്സിലായത്. ഇതോടെയാണ് ഇവരെ അറസ്റ്റ് ചെയ്ത് നീക്കാന്‍ ഉത്തരവിട്ടത്.
കെ.സി വേണുഗോപാല്‍, മല്ലികാര്‍ജുന്‍ ഖാര്‍ഗെ തുടങ്ങിയ മറ്റ് പ്രതിപക്ഷ നേതാക്കളും ഈ സ്റ്റേഷനില്‍ തടങ്കലിലാണ്. പ്രധാനമന്ത്രിയുടെ വസതിക്ക് മുന്‍പില്‍ അസാധാരണമായ രീതിയില്‍ ധര്‍ണ്ണ തുടര്‍ന്നതോടെയാണ് അറസ്റ്റ് വേണ്ടിവന്നത്. പാര്‍ലമെന്‍റില്‍ നീറ്റ് പരീക്ഷയെക്കുറിച്ച് ചര്‍ച്ച ചെയ്യാമെന്ന് സമ്മതിച്ചാല്‍ സമരം നിര്‍ത്താമെന്ന് രാഹുല്‍ ഗാന്ധി സമ്മതിച്ചതാണ്. ഇതിന് കേന്ദ്രം തയ്യാറായപ്പോള്‍ രാഹുല്‍ ഗാന്ധി പുതിയ ആവശ്യം മുന്നോട്ട് വെച്ച് സമരം തുടര്‍ന്നു. പ്രധാനമന്ത്രി മോദി, ആഭ്യന്ത്രരമന്ത്രി അമിത് ഷാ എന്നിവര്‍ രാജിവെയ്‌ക്കണമെന്നായിരുന്നു ആവശ്യം. ഇതോടെ കാര്യം വ്യക്തമായി. രാഹുല്‍ ഗാന്ധിയുടെ ലക്ഷ്യം ഒത്തുതീര്‍പ്പോ സമാധാനമോ അല്ല, കലാപം തന്നെയാണ്.
അസാധാരണരീതിയില്‍ ഇന്ത്യയുടെ വിവിധസംസ്ഥാനങ്ങളിലെ നേതാക്കളെ മുഴുവന്‍ രാഹുല്‍ ഗാന്ധി ദല്‍ഹിയിലേക്ക് സമരത്തിന് വിളിച്ചുവരുത്തുകയായിരുന്നു. കേരള മുഖ്യമന്ത്രി സതീശന്‍, കര്‍ണ്ണാടക മുഖ്യമന്ത്രി ഡികെ ശിവകുമാര്‍ എന്നിവര്‍ ഉള്‍പ്പെടെയുള്ളനേതാക്കളെല്ലാം ദല്‍ഹിയില്‍ സമരത്തിന് എത്തുകയായിരുന്നു. ഇതോടെയാണ് സിജെപി ഭരണത്തിന്റെ മറവില്‍ ഭരണം അട്ടിമറിക്കാനുള്ള കുത്സിത നീക്കമാണ് കോണ്‍ഗ്രസിന്‍റേതെന്ന് കേന്ദ്രം മനസ്സിലാക്കിയത്. ഇത്തരം ഇന്‍റലിജന്‍സ് റിപ്പോര്‍ട്ടുകളും എത്തിയിരുന്നു. ഇതോടെയാണ് അറസ്റ്റ് നടപടികളിലേക്ക് നീങ്ങിയത്.
ഈയിടെ 21 ദിവസം യൂറോപ്യന്‍ യാത്ര എന്ന് പറഞ്ഞ് അജ്ഞാതവാസത്തില്‍ കഴിഞ്ഞ രാഹുല്‍ ഗാന്ധി ഇന്ത്യയിലെ ഭരണം അട്ടിമറിക്കാന്‍ അമേരിക്കന്‍ ഡീപ് സ്റ്റേറ്റ് ശക്തികളുമായി പദ്ധതി തയ്യാറാക്കുകയായിരുന്നു എന്നാണ് കരുതുന്നത്.
