മഹാരാഷ്‌ട്രയിൽ സംവരണത്തിന്റെ പേരിൽ മുഖ്യമന്ത്രിയുടെ വീട്ടിൽ അതിക്രമിച്ച് കയറി പ്രതിഷേധം

ഛത്രപതി സംഭാജിനഗർ (മഹാരാഷ്‌ട്ര): മറാത്‌വാഡ മേഖലയിലെ വിവിധ മറാത്‌വാഡ വിമോചന ദിന പരിപാടികൾ സംവരണ ക്വാട്ട പ്രക്ഷോഭകർ തടസ്സപ്പെടുത്താൻ ശ്രമിച്ചു. ഛത്രപതി സംഭാജിനഗർ നഗരത്തിൽ, കർശനമായ പോലീസ് പരിശോധനകൾക്കിടയിലും, ഒബിസി പ്രവർത്തകരായ മൂന്ന് വയോധികർ മുഖ്യമന്ത്രി ദേവേന്ദ്ര ഫഡ്‌നാവിസിന്റെ സിദ്ധാർത്ഥ് ഗാർഡനിൽ കരിങ്കൊടി വീശി വേദിയിലേക്ക് കടന്നു.
അവിടവിടെ ഉണ്ടായ പ്രതിഷേധങ്ങൾ ശ്രദ്ധയിൽ പെട്ടതിനെ തുടർന്ന് കനത്ത സുരക്ഷ മാത്രമല്ല, ഈ സംഭവങ്ങൾക്കുപിന്നിൽ സംഘടിത ശ്രമങ്ങൾ ഉണ്ടോ എന്നകാര്യത്തിലും അന്വേഷണ ഏജൻസികൾ വ്യാപകമായ അന്വേഷണം നടത്തുന്നുണ്ട്.
മുഖ്യമന്ത്രി പ്രസംഗം ആരംഭിക്കുമ്പോൾ ആക്ടിവിസ്റ്റുകളായ 70 കാരനായ റാംഭാവു പെർക്കർ, 62 കാരനായ അശോക്‌സിംഗ് ഷെവ്ഗൻ, 59 കാരനായ ശിവാജി ഗെയ്‌ക്‌വാദ് എന്നിവരാണ് മുദ്രാവാക്യം വിളിച്ച് വേദിയിലേക്ക് എത്തിയത്. ഒബിസി ക്വാട്ടയിൽ പെടുത്തി മറാത്തക്കാർക്ക് സംവരണം നൽകുന്ന ഹൈദരാബാദ് ഗസറ്റുമായി ബന്ധപ്പെട്ട ജിആർ പിൻവലിക്കണമെന്ന് അവർ ആവശ്യപ്പെട്ടു. സെപ്തംബർ രണ്ടിനാണ് സംസ്ഥാന സർക്കാർ ജിആർ പുറപ്പെടുവിച്ചത്. ഒബിസി സമുദായങ്ങളുടെ സവേരണാനുകൂല്യത്തിൽ മറാത്തക്കാർക്ക് സംവരണം കൊടുക്കുന്നത് അനീതിയാണെന്ന് പ്രക്ഷോഭകർ ആരോപിച്ചു. സാംഭാജിനഗർ സിറ്റി പോലീസ് മൂവരെയും ഉടൻ കസ്റ്റഡിയിലെടുത്ത് ക്രാന്തി ചൗക്ക് പോലീസ് സ്‌റ്റേഷനിലേക്ക് കൊണ്ടുപോയി എഫ്‌ഐആർ രജിസ്റ്റർ ചെയ്തു.

‘വെറും പബ്ലിസിറ്റിക്ക് വേണ്ടി, രണ്ടോ മൂന്നോ പേർ മുദ്രാവാക്യം വിളിക്കുന്നു. മറാത്‌വാഡ വിമോചന ദിനത്തിൽ ഇങ്ങനെയൊക്കെ നടക്കുന്നതിൽ ഖേദമുണ്ട്,’ ഫഡ്‌നാവിസ് പറഞ്ഞു.

‘ഒബിസി സമൂഹത്തിന്റെ ഉന്നമനത്തിനായി ഫഡ്‌നാവിസ് ചെയ്തതുപോലെ മഹാരാഷ്‌ട്രയിലെ മറ്റൊരു മുഖ്യമന്ത്രിയും ചെയ്തിട്ടില്ല. ഒരു ഒബിസി അംഗത്തിനും ഒരു അനീതിയും നേരിടേണ്ടിവരില്ല എന്നത് ഞങ്ങളുടെ സർക്കാരിന്റെ വാഗ്ദാനമാണ്,’ പൂനെയിൽ, റവന്യൂ മന്ത്രി ചന്ദ്രശേഖർ ബവൻകുലെ പറഞ്ഞു.

ബീഡ് ജില്ലയിൽ, രണ്ട് യുവാക്കൾ ഡീസൽ ഒഴിച്ച് സ്വയം തീകൊളുത്തിയും ഉപമുഖ്യമന്ത്രി അജിത് പവാറിന്റെ വാഹനവ്യൂഹത്തിന് മുന്നിൽ ചാടി ആത്മഹത്യ ചെയ്യാൻ ശ്രമിച്ചു. കുബേഫാൽ ഗ്രാമത്തിൽ നിന്നുള്ള വിശാൽ തോറാട്ട് (22), ശേഖർ തോറാട്ട് (25) എന്നിവർ റോഡ് പണിയുടെ ഗുണനിലവാരം മോശമാണെന്ന് ആരോപിച്ച് വിവരാവകാശ നിയമപ്രകാരം വിശദാംശങ്ങൾ തേടി. കഴിഞ്ഞ ഒരു വർഷമായി കെജ് തഹസിൽ സ്വദേശികളായ യുവാക്കൾ വിവരാവകാശ നിയമപ്രകാരമുള്ള ചോദ്യങ്ങൾക്ക് മറുപടി ലഭിക്കാത്തതിലെ നിരാശ പ്രകടിപ്പിക്കാനാണ് ഇത് ചെയ്തതെന്ന് ശിവാജി നഗർ പോലീസ് സ്‌റ്റേഷൻ ഇൻസ്‌പെക്ടർ കിഷോർ പവാർ പറഞ്ഞു.