തിരുവനന്തപുരം: എഐഎസ്എഫ് മുന് സംസ്ഥാന സെക്രട്ടറിയും മുന്എസ്എഫ്ഐ നേതാവുമടക്കം സാമൂഹിക സാംസ്ക്കാരിക രംഗത്തുള്ള നിരവധി പേര് ബിജെപിയില് ചേര്ന്നു. എഐഎസ്എഫ് സംസ്ഥാന സെക്രട്ടറിയായിരുന്ന അരുണ് ബാബു, മുന്എസ്എഫ്ഐ നേതാവും സെനറ്റ് മെമ്പറുമായിരുന്ന പ്രഭാത് ജി. പണിക്കര് എന്നിവര് ബി ജെ പി അംഗത്വമെടുത്തു.
കോണ്ഗ്രസ് മുന് ബ്ലോക്ക് പ്രസിഡന്റ് മുല്ലൂര് മോഹനചന്ദ്രന് നായര്, കാര്ഡിയോളജി വിദഗ്ധന് രാജേഷ് രാജന്, മനോരോഗ വിദഗ്ധന് ഡോ.മാത്യൂ കോയിപ്പുറം, കേരളാ കോണ്ഗ്രസ് (ബി) സംസ്ഥാന- ജില്ലാ നേതാക്കളായ മനോജ് കുമാര് മാഞ്ചേരില്, ഹരിപ്രസാദ് ബി.നായര്, ബിജയ് ആര്. വരിക്കനല്ലില്, അമല് കോട്ടയം, ജിജോ തോമസ്, വേണു വി.ആര് എന്നിവരും ബിജെപിയില് ചേര്ന്നു. ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര് പാര്ട്ടി അംഗത്വം നല്കി ഷാള് അണിയിച്ച് സ്വീകരിച്ചു.
