തിരുവനന്തപുരം: പൂജപ്പുര സെന്ട്രല് ജയിലില് തടവുകാരന് ക്രൂര മര്ദനം. മര്ദനമേറ്റ് ഗുരുതരമായി പരിക്കേറ്റ പത്തനംതിട്ട സ്വദേശി ബിജുവിനെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
പേരൂര്ക്കട മാനസികരോഗ ആശുപത്രിയിലെ ജീവനക്കാരനായ ബിജുവിനെ സഹപ്രവര്ത്തകയെ മര്ദിച്ച കേസിലാണ് കോടതി റിമാന്ഡ് ചെയ്തത്.
ജയില് ജീവനക്കാരാണോ തടവുകാരാണോ ഇയാളെ മര്ദിച്ചത് എന്ന കാര്യത്തില് വ്യക്തത വന്നിട്ടില്ല. ഈ മാസം പതിമൂന്നിനാണ് ബിജു പൂജപ്പുര ജില്ലാ ജയിലില് എത്തിയത്.
കഴിഞ്ഞ ദിവസം ജയില് വളപ്പിലെ ഓടയില് അബോധാവസ്ഥയില് കണ്ടെത്തിയെന്നാണ് ജയില് അധികൃതര് മെഡിക്കല് കോളേജ് ആശുപത്രിയിലെ ഡോക്ടര്മാരെ അറിയിച്ചത്. എന്നാല് ഇക്കാര്യത്തില് ജയില് അധികൃതര് പൊലീസില് രേഖാമൂലം പരാതി നല്കിയിട്ടില്ല.
