കോട്ടയം: വാര്‍ത്തകളുടെ ലോകത്ത് ഇപ്പോഴും പത്രങ്ങളുടെ വിശ്വാസ്യത വളരെ വലുതാണെന്ന് സ്പീക്കര്‍ എ.എന്‍. ഷംസീര്‍. കേരള ന്യൂസ് പേപ്പര്‍ എംപ്ലോയീസ് ഫെഡറേഷന്‍ 21 ാം സംസ്ഥാന സമ്മേളനം കോട്ടയത്ത് ഉദ്ഘാടനം ചെയ്യുകയായിരുന്നു അദ്ദേഹം.
അച്ചടി അനുബന്ധ സാധനങ്ങളുടെ വിലക്കയറ്റം പത്രസ്ഥാപനങ്ങളെ പ്രതിസന്ധിയിലാക്കുന്നു. പത്രവിതരണം അടക്കമുള്ള ജോലികള്‍ക്ക് പ്രയാസങ്ങളുണ്ട്. പത്രവ്യവസായരംഗത്തെ വെല്ലുവിളികള്‍ പരിഹരിക്കുന്നതിന് ആവശ്യമായ ചര്‍ച്ചകള്‍ ഉണ്ടാകണമെന്നും അദ്ദേഹം പറഞ്ഞു.
കേരള ന്യൂസ് പേപ്പര്‍ എംപ്ലോയീസ് ഫെഡറേഷന്‍ സംസ്ഥാന പ്രസിഡന്റ് വി.എസ്. ജോണ്‍സണ്‍ അധ്യക്ഷത വഹിച്ചു. ഫ്രാന്‍സിസ് ജോര്‍ജ് എംപി, എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, മോന്‍സ് ജോസഫ്, ദേശാഭിമാനി ജനറല്‍ മാനേജര്‍ കെ.ജെ. തോമസ്, സ്വാഗതസംഘം ചെയര്‍മാന്‍ ടി.ആര്‍. രഘുനാഥന്‍, പത്രപ്രവര്‍ത്തക യൂണിയന്‍ സംസ്ഥാന പ്രസിഡണ്ട് കെ.പി. റെജി, ഓള്‍ ഇന്ത്യ ന്യൂസ്‌പേപ്പര്‍ എംപ്ലോയീസ് ഫെഡറേഷന്‍ ജനറല്‍ സെക്രട്ടറി വി. ബാലഗോപാല്‍, എന്‍ജെപിയു സംസ്ഥാന പ്രസിഡന്റ് കെ.എന്‍. ലതാനാഥന്‍, സീനിയര്‍ നോണ്‍ ജേര്‍ണലിസ്റ്റ് അസോസിയേഷന്‍ പ്രസിഡന്റ് വര്‍ഗീസ് ചെമ്പോല, ജനറല്‍ സെക്രട്ടറി ജയ്‌സണ്‍ മാത്യു, ട്രഷറര്‍ ജമാല്‍ ഫൈറൂസ്, സ്വാഗതസംഘം ജനറല്‍ കണ്‍വീനര്‍ ജയകുമാര്‍ തിരുനക്കര, കോര സി. കുന്നുംപുറം, സിജി ഏബ്രഹാം, ബിജു ആര്‍ തുടങ്ങിയവര്‍ പ്രസംഗിച്ചു.
പത്രമാധ്യമ രംഗത്ത് ഇടക്കാലാശ്വാസം പ്രഖ്യാപിക്കണമെന്നും തൊഴില്‍ കോഡ് പിന്‍വലിക്കണമെന്നും പെന്‍ഷന്‍ പദ്ധതികളിലെ അപാകതകള്‍ പരിഹരിക്ക ണമെന്നും മാധ്യമ ജീവനക്കാര്‍ക്കെതിരെ നടക്കുന്ന അക്രമങ്ങള്‍ക്ക് പരിഹാരമുണ്ടാകണമെന്നും സമ്മേളനം ആവശ്യപ്പെട്ടു.
വി.എസ്. ജോണ്‍സണ്‍ പ്രസിഡന്റ്; ജയിസണ്‍ മാത്യു ജന. സെക്രട്ടറി
കേരള ന്യൂസ് പേപ്പര്‍ എംപ്ലോയീസ് ഫെഡറേഷന്‍ സംസ്ഥാന പ്രസിഡന്റായി വി.എസ്. ജോണ്‍സണ്‍ (മാതൃഭൂമി), ജനറല്‍ സെക്രട്ടറിയായി ജയിസണ്‍ മാത്യു (ദീപിക) എന്നിവര്‍ തെരഞ്ഞെടുക്കപ്പെട്ടു.
മറ്റു ഭാരവാഹികള്‍- വൈസ് പ്രസിഡന്റുമാര്‍ ആര്‍. രാധാകൃഷ്ണന്‍ (ജന്മഭൂമി), ആര്‍. മല്ലികാദേവി (ജനയുഗം), അബ്ദുള്‍ ഹമീദ് (മാധ്യമം), ജോയിന്റ് സെക്രട്ടറിമാര്‍: സി. ആര്‍. അരുണ്‍ (മാതൃഭൂമി), എസ്. ഉദയകുമാര്‍ (കേരള കൗമുദി), ഇന്ദു മോഹന്‍ (ദേശാഭിമാനി), ടി.പി. സന്തോഷ് (മാതൃഭൂമി), ട്രഷറര്‍: എം. ജമാല്‍ ഫൈറൂസ് (മാധ്യമം). സെക്രട്ടറിയേറ്റ് അംഗങ്ങളായി സിജി എബ്രഹാം (മാതൃഭൂമി), ഫസല്‍ റഹ്മാന്‍, പി. സാലിഹ് (മാധ്യമം), കെ.എസ്. സാബു (കേരള കൗമുദി), അബ്ദുറഹ്മാന്‍ ബാഫഖി (ചന്ദ്രിക), ടി. ഷബിന്‍ (മാതൃഭൂമി), എ. കൃഷ്ണന്‍ (ദേശാഭിമാനി), എം. കെ. അന്‍വര്‍ (സുപ്രഭാതം), കെ. കെ. മധു (സിറാജ്), പി.പി. ഹംസ (തേജസ്), വി. വിജുകുമാര്‍ (മെട്രോ വാര്‍ത്ത).
വി. ചന്ദ്രഹാസന്‍, സി.പി. ജയശങ്കര്‍ (ജനറല്‍ കൗണ്‍സില്‍)
