തിരുവനന്തപുരം: ചൈനയുമായി ചേര്ന്ന് നില്ക്കുന്ന മോദിയുടെ നിലപാടിന് കയ്യടിച്ച് സിപിഎം വക്താവും രാജ്യസഭാംഗവുമായി ഡോ.വി. ശിവദാസ്. ഒരു ചാനല് ചര്ച്ചയിലാണ് ചൈനയുമായി കൈകോര്ത്ത മോദിയുടെ നിലപാട് രാജ്യത്തിന്റെ താല്പര്യങ്ങള് സംരക്ഷിക്കുന്നതാണെന്ന് അദ്ദേഹം പ്രസ്താവിച്ചത്.ഒരു ടിവി ചാനല് ചര്ച്ചയിലാണ് ശിവദാസ് മോദിയുടെ ചൈനാസന്ദര്ശനവും എസ് സിഒ ഉച്ചകോടിയിലെ നീക്കവും പിന്തുണച്ചത്.
അമേരിക്കയുടെ സാമ്രാജ്യത്വ ശക്തികളോട് അടിയറവ് പറയാതെ ചൈനയോടും റഷ്യയോടും ചേര്ന്ന് നിന്ന് പുതിയ കൂട്ടുകെട്ടിന് ശ്രമിക്കുന്ന മോദിയുടെ നിലപാട് സ്വാഗതാര്ഹമാണെന്നും ശിവദാസ് പറയുന്നു. കര്ഷകതാല്പര്യം ഹനിക്കുന്ന അമേരിക്കയുമായുള്ള വ്യാപാരക്കരാറില് നിന്നും ഒഴിവായ മോദിയുടെ നടപടി രാജ്യതാല്പര്യങ്ങള്ക്ക് നല്ലതാണെന്നും ശിവദാസ് പറഞ്ഞു.
പാകിസ്ഥാന് ആയുധങ്ങള് നല്കി ഇന്ത്യയ്ക്കെതിരായ നിലപാടെടുത്ത ചൈനയെ പിന്തുണയ്ക്കുന്ന മോദിയുടെ നിലപാട് രാജ്യദ്രോഹപരമാണെന്ന കോണ്ഗ്രസ് നിലപാടും ശിവദാസ് തള്ളി. ഉദാരവ്ലക്കരണവും ആഗോളവല്ക്കരണവും കൊണ്ട് വന്ന് ഇന്ത്യയെ നശിപ്പിച്ച കോണ്ഗ്രസ് അന്ന് അത് ചെയ്തത് അമേരിക്കയുമായി കൂട്ടുചേര്ന്നുകൊണ്ടാണെന്നും ശിവദാസ് ചൂണ്ടിക്കാട്ടി. അമേരിക്കന് സാമ്രാജ്യത്ത്വത്തിന് അടിയറവ് പറഞ്ഞ രീതിയായിരുന്നു കോണ്ഗ്രസിന്റേതെന്നും ശിവദാസ് അഭിപ്രായപ്പെട്ടു.
