കൊല്ലം: ലൈംഗിക ആരോപണം നേരിടുന്ന രാഹുല്‍ മാങ്കൂട്ടത്തില്‍ എം എല്‍ എയെ തള്ളാതെ സിപിഎം മുന്‍ എംഎല്‍എ പി. ഐഷാ പോറ്റി.രാഹുല്‍ മാങ്കൂട്ടത്തിലിനെതിരായ പരാതികളുടെ ആധികാരികത കൂടി പരിശോധിക്കപ്പെടണമെന്ന് അവര്‍ പറഞ്ഞു.
രാഹുല്‍ മാങ്കൂട്ടത്തില്‍ എം എല്‍ എയ്‌ക്കെതിരായ പാര്‍ട്ടി നടപടി അന്വേഷണത്തിന് ശേഷം വേണമായിരുന്നു. തെളിവുകളുടെ ആധികാരികതയും പരിശോധനയ്‌ക്ക് വിധേയമാക്കണമെന്നും ഐഷാ പോറ്റി പറഞ്ഞു.
ഒരാള്‍ കുറ്റം ചെയ്തു എന്ന് ഒരു സ്ത്രീയാണ് വന്ന് പറയുന്നത്. അങ്ങനെ പറയുമ്പോള്‍ വെറുതെ പറയുകയല്ലാതെ ഒന്ന് എഴുതി നല്‍കണം.
വാര്‍ത്തയൊക്കെ വന്ന് പ്രശ്നമായപ്പോള്‍ പാര്‍ട്ടി അവരെ സസ്പെന്‍ഡ് ചെയ്യുന്നതൊക്കെ കണ്ടു. ഏത് പാര്‍ട്ടിയില്‍ പെട്ടവരായാലും മനുഷ്യരെ പറ്റി ആയാലും പറയുന്നതിന്റെ ഉള്ളടക്കം സത്യമാണോ എന്ന് നോക്കുന്നത് നല്ലതാണെന്ന് ഐഷാ പോറ്റി പറഞ്ഞു.
ഏത് മനുഷ്യര് തെറ്റ് ചെയ്തിട്ടുണ്ടേലും അവര്‍ക്കെതിരായിട്ടുള്ള ശരിയായ നടപടി വന്നാലേ സമൂഹം നന്നാവുകയള്ളൂവെന്ന് ഐഷാ പോറ്റി പറഞ്ഞു.
