കൊച്ചി: സ്വകാര്യ ബസ് ജീവനക്കാര്ക്ക് പൊലീസ് ക്ലിയറന്സ് സര്ട്ടിഫിക്കറ്റ് നിര്ബന്ധം.ഇതു സംബന്ധിച്ചുളള സംസ്ഥാന സര്ക്കാര് ഉത്തരവ് ചോദ്യം ചെയ്ത് ബസ് ഉടമകളും യൂണിയനുകളും ഉള്പ്പെടെ നല്കിയ ഹര്ജി തള്ളിക്കൊണ്ടാണ് ഹൈക്കോടതി ഇക്കാര്യം വ്യക്തമാക്കിയത്.
എതിര്പ്പുകള് മൂലം പുതിയ നിബന്ധനകള് നടപ്പാക്കുന്നത് സര്ക്കാര് നിര്ത്തിവച്ചിരുന്നു. 2023 – 25 കാലഘട്ടത്തില് മാത്രം സ്വകാര്യ ബസുകള് ഉള്പ്പെട്ട 1017 അപകടങ്ങള് സംസ്ഥാനത്ത് ഉണ്ടായെന്ന് ഉത്തരവ് പറഞ്ഞു കൊണ്ട് കോടതി ചൂണ്ടിക്കാട്ടി.
കേവലം നിയമങ്ങളിലെ സാങ്കേതികത്വം മാത്രം ചൂണ്ടിക്കാട്ടി ഇത്തരം കാര്യങ്ങള് നടപ്പാക്കാതിരിക്കാനാവില്ല. പൊതുജന സുരക്ഷ കണക്കിലെടുത്താണ് ഇത്തരം നിബന്ധനകള് കൊണ്ടുവന്നതെന്നും കോടതി വ്യക്തമാക്കി. കഴിഞ്ഞ ജനുവരിയിലാണ് പുതിയ മാര്ഗനിര്ദേശങ്ങള് പുറത്തു വന്നത്. അവ നടപ്പാക്കാന് ആവശ്യമായ സമയവും അനുവദിച്ചിരുന്നുവെന്നും കോടതി പറഞ്ഞു. സംസ്ഥാന ഗതാഗത വകുപ്പിന് ഇത്തരം നടപടികള് സ്വീകരിക്കാന് അധികാരമില്ലെന്ന വാദം കോടതി തള്ളി.
